Popularne wersety biblijne z Khuurakikha 15

Udostępnij

Iburamu waafukiilisa Umukasya, ni shisheene isho shaakila Umukasya waamubala niye khuuba umukwalaafu.

Lwanyuma lwa bino byoosi, Umukasya waakanikha isi Iburamu mu marooro, nga amulomela ari, “Iburamu, ukharya ta. Ise kane ikhukhiinge iwe naabi, naluundi kane ikhuwe shiwaanwa she kamaani.”

Kila Umukasya arusa Iburamu ibulafu, waamulomela ari, “Yinyusa tsimoni tsoowo ulole mu ngaaki mwikulu, ubone noola unyala waabala tsinieniesi itso.” Umukasya waalooselakho ari, “Babetsukhulu boowo baliba baakali khuufwaana baryo.”

Umukasya waamwiilamwo ari, “Umusaani yuno singene abe niye umusikha woowo ta. Iwe ukhasaale umwaana uwesiinde uwoowo umweene. Niye ukhaabe umusikha woowo.”

Lwanyuma kila Umukasya alomela Iburamu ari, “Iwe uli ni khuushimanyila ilala buulayi uri, babetsukhulu boowo balimenya nga baawuuyi mu shibala shishikhali shishaabwe ta. Bakhaabe baakulwa ibweene iyo, naluundi babirisibwe buubi naabi nga babamiinilisa khuumala kimiiko bitoondo bine (400).

Ne Iburamu naye weelamwo ari, “O Umukasya Wele, shiina shisheene sheesi iwe kane umbe ise, ate nga bona ise s'indikho ni babaana ta? N'umuundu ukane abe umusikha we bibiindu byase niye Eliyazaari uwe Damasiko!”

Kila khu mbuka nyene iyo, Umukasya akhola indakaano ni Iburamu, waamulomela ari, “Isuubisa khuukabila babetsukhulu boowo liiswa lino, khukhwaamila ilala khu luutsi luluuli khu lwaakha ni Misiri, khuutsya khukhwoola khu luutsi Efurati.

Ne ikhaabirewo kimiboolo kine kimibuufu, nio babetsukhulu boowo bakobole mu shifwo shino, beeyilile liiswa lino. Lwekhuuba ise sikhaawoonemwo babaandu ba Amori khukhwaama muno ta, khukhwoolesa nga boonakisile naabi, naluundi nga baakhila shitaambiso.”