Popularne wersety biblijne z Rm 5

Udostępnij

Ŋwìə̀ nyaʼa chwi ni tə ghaʼ əwa əni: Ənɨ tɨ̀ nyaʼa kɨrɨ ghɨ̀ ɨnû rɨbɔ̀ŋ, Kristo nyaʼa kwɨ ɨgwɨ mba ɨtu.

Ka ɨchî nɨ tɨ̀ nuŋ ɨkɔndɨ wɨə tam i əwa, ɨmbə̀ʼ ɨghəm nɨ Ŋwìə̀ fə chwi ni tə ghaʼ əwa, əne wɨ̀ fə zɨ̀ ɨghaʼi ɨŋga ta fîŋ ənjìm Əzwî ə Zeŋɨ ze nɨ wɨ̀ naʼ ɨ na.

Ka àmei əne, tɨ̀ bɨrɨ bɨ goŋ ɨgɔ̂ ɨmbə̀ʼ ɨchî nɨ tɨə zəə ŋgəʼ, ɨmbə̀ʼ ɨghəm nɨ tɨ̀ kyerɨ ni ɨzə-ŋgəʼ wɨə ghɨ̀ ni bə̂d nyiʼ fîŋ, ɨnyiʼ fîŋ wɨə ghɨ̀ ni bə̂d berɨ mɨchî chɔ̀m, mɨchî chɔ̀m mbɨə ghɨ̀ ni bə̂d berɨ ɨkɔndɨ ni Ŋwìə̀ bɨrɨ ghɨ ənû ze nɨ wɨ̀ kaʼi.

Ɨchî nɨ Ŋwìə̀ ben ni tɨ̀ fə təm kùʼnɨ̀ ənjìm a ɨbenɨ, əne tɨ̀ wɨ ənɨ əbɔrəbɔd mbɨ ə Ŋwiə̀ ənjìm a Ə̀nùŋɨ̀sɨg Yeso Kristo. Ənjìm ɨchî nɨ tɨ̀ ben əməd, tɨ̀ fə bə̀ nyɨ ɨŋga ɨ̀chɔ̀m we nɨ tɨ̀ yeʼ ɨŋga tɨ̀nîn. Əne tɨ̀ goŋ ɨgɔ̂ nùŋ ta rɨkɔndɨ wòm ni tɨ̀ bɨrɨ chubɨ mbɨ ə Ŋwiə̀ ɨŋga ɨwumnɨ məd.

Ənɨ tɨ̀ nyaʼa kɨrɨ bɔd, nyùmə̀ nyaʼa kùʼ əne Kristo nyaʼa kwɨ ɨgwɨ ɨtu bə̂d mbe nɨ chəi mbɨ nyaʼə wumnɨ ə Ŋwiə̀.

Tɨ̀nîn nɨ tɨ̀ fə təm kùʼnɨ̀ ənjìm ənəm ze nɨ Kristo nyaʼa chəmnɨ, wɨ̀ bɨrɨ kaŋ ghɨ ni tɨ Ŋwìə̀ wɨrɨ sə i ɨtəm mbɨ na

Ɨchî nɨ ənjìm rɨ̀zuə̀ wə̀d mɔʼ, bə̂d mɨ̀nɔnɔʼ mbɨə nyaʼə sɨə ghɨ̀ ɨnû rɨbɔ̀ŋ, əne bə̂ ənjìm ɨchî nɨ wə̀d mɔʼ nyaʼa zuunɨ, bə̂d mɨ̀nɔnɔʼ bɨrɨ təm kùʼnɨ̀.

Kaʼi əjìm əze, tɨ̀ wɨə bə̀ goŋ ɨgɔ̂ ɨmbə̀ʼ ə Ŋwiə̀ ənjìm a Ə̀nùŋɨ̀sɨg Yeso Kristo. Məd fə màànɨ̀ a taŋ mbɨ ə Ŋwiə̀.