Popularne wersety biblijne z Rm 4

Udostępnij

Chəi ənû ə mɔʼɔ nɨ tɨ̀ zɨə nyaʼa kwepɨ ɨbenɨ məd, əne chəi wɨ̀ bid ənû ze nɨ Ŋwìə̀ nyaʼa kaʼi. Ɨbenɨ fîŋ məd nyaʼa kàànɨ̀, əne wɨ̀ nyaʼa yiirɨ ə Ŋwiə̀. Wɨ̀ nyaʼa kàŋ ben ɨŋga i fîŋ ni Ŋwiə̀ we tɨ̀ wɨ̀ ghɨ̀ ənû ze nɨ wɨ̀ nyaʼa kaʼi.

Ə zɨ ɨŋga Ə̀ŋwàʼnɨ̀ ə Ŋwiə̀ ni Ŋwìə̀ nyaʼa ghà əmbɨ Abràham ni, “Mə fə ghɨ̀ e ənɨ ə mbǎʼ ɨgwɨ ɨbeŋ nɔnɔʼ.” Abràham yɨ a mbǎʼ ɨfě Ŋwiə̀ we nɨ wɨ̀ nyaʼa nuŋ fîŋ ɨgwɨ məd. Məd yɨə Ŋwìə̀ we nɨə nàʼ ɨ̀tènɨ̀ əmbɨ ɨvɨ bə̂d. Məd wɨə bə̀ ghàə̀ ni ɨghɨ mbe nɨ chə nyaʼa i mbɨ yeʼ əŋgu.

Ŋwiə̀ nyaʼa nàʼ əməd ni mbɨ zwiirɨ ɨmbə̀ʼ mba ɨnû rɨbɔ̀ŋ. Wɨ̀ nyaʼa bə̀ zwemnɨ əməd ɨmbə̀ʼ tɨ̀ təm kùʼnɨ̀.

Abràham nyaʼa ben əne nùŋ ɨkɔndɨ wòm, ka à be yeʼi ni chəi wɨ̀ nyaʼa berɨ əton nɨ nuŋ ɨkɔndɨ ni tə bɨrɨ yeʼ ə “Mbǎʼ ɨgwɨ ɨbeŋ nɔnɔʼ.” Ŋwìə̀ nyaʼa kaʼ əməd ni, “Bɔn tɨ ənɨ e əghaŋ bɨrɨ kaŋ nɔʼ.”

Ŋwìə̀ nyaʼa kàʼ ɨghɨ ənjìm ɨbenɨ, ɨmbə̀ʼ ənjìm ɨ̀chɔ̀m məd, bɔn mɨjìm tɨ ənɨ əghaŋ ə Abràham mbe tɨ̀ mbɨ jɨg ɨghɨ mbe nɨ wɨ̀ nyaʼa kàʼi. Ka ɨghɨ mbe nɨ wɨ̀ nyaʼa kàʼi nyaʼa àmei əmbɨ ə bə̂d mbe nɨə nùŋə̀ rɨkə, ɨ mbɨə nyaʼa bə̂ əmbɨ mbe nɨ nyaʼa benɨ ɨchî nɨ Abràham nyaʼa bə benɨ. Abràham yɨə mbǎʼ ɨgwɨ mbà mɨjìm.

“Ŋwìə̀ zɨ əbɔrəbɔd ɨgun ə bə̂d mbe nɨ wɨ̀ fə waʼ tɨ̀gurɨ-ɨnû mɨ̀mə̌d, nɨ wɨ̀ fə bə nimnɨ ɨnû rɨbɔ̀ŋ mɨ̀mə̌d. Ŋwìə̀ zɨ əbɔrəbɔd ɨgun ə wə̀d we nɨ chəi wɨ̀ wɨrɨ ŋwàʼnɨ̀ ɨnû rɨbɔ̀ŋ mbe nɨ wɨ̀ ghɨ̌ ənɨ ɨkum məd.”

Zɨə kɨ ɨŋga Ə̀ŋwàʼnɨ̀ ə Ŋwiə̀ ni yè ə? Ə zɨ ɨŋga ni, “Abràham nyaʼa nùŋ i fîŋ ɨgun ə Ŋwiə̀, əne Ŋwìə̀ nyaʼa ben ni məd ə təm kùʼnɨ̀.”