Popularne wersety biblijne z Itiruye 2

Udostępnij

Rimam fxen ira ti jwub-ba u tangsom ti unju ti yer-wu te Ibrahim, ti Ishaku, ti Yakubu. Awu nung rikaen ti anyisu Isirela ku ngwa uwae usom upyi, ayi caeb wu uwae.

Isim asang yang-yi, Ukwe ti Ejib sa cwu. Anyisu Isirela ku ngwa rikaen uwae usom upyi. Aba ku jwub ira ku sha itindeya uwae usom ti som-ba. Ira ti jwub-ba yi ka uwog Rimam.

Ti umbae wu ser ben, iya-wu pu wu ka na umbae Ukwe wu, ama awu kafe umbae-wu. Awu fwa rinyi umbae wu baa, Musa, ikyaen imi awu ri baa, “Ame wab wu tsoye uwae ambyi.”

Ama umbae Ukwe wu ri te unda wu baa, “Ye umbae wune ti fu ka nyam ser wu na m, ame u pae fu pae.” Ikyaen ayine, iya umbae wu ye umbae wu u nyam ser wu.

Ama umbae Ukwe ti Ejib ti unda si ti awu kaa jwo ijwe uwae uyinn atang. Apyi-wu ti anda ama ku kyang putsa unju uyinn wu. Umbae ukwe wu sae kutyika wu uwae irum, u tom upyi-wu ti unda iki ru ti wu na ka ye wu ba.

Usir iki, kiye ti Musa ser ben pu wu, awu kyang ruye ti awu kaa nung ande-wu Isirela ti ta uwae rikaen wande-ba. Awu nung urae Ejib iki ku kum kinjo uwae ande-wu Mbaibrane kutxu. Musa sae ayib pakob, u nung-wu unde iki atang be, ama kum wen urae Ejib wu, u sa rukom-wu tam uwae isa tsen atang.