Popularne wersety biblijne z Maˬkuˆ 5

Udostępnij

Yeˬsuˇ aˬ yawꞈ-ahˇ ehˇnehˬ-eu, “Ngaˬ buˇ-oˇ. Nawˬ-euˬ jah-eu nui ma nawˬ-ahˇ bi taˬ leˇ-euˬ meh. Nui ma saˇ lehˆ ni gʼoꞈ-iˇ-awˬ. Nawˬ-euˬ naˇ gawˇ teu tiˬ jawˇ-iˬ maˬ paˇ naˇ poˆ laˇ-aˇ.”

Tseˇ nyiꞈ kʼoꞈ keuˆ ni shiˬ doˆ-eu naˇ gawˇ-ahˇ maˬ tsehˆ leˇ ni ya daˬ luꞈ-eu zaˬ miˬ zaˬ tiˬ gʼaˬ jawˇ-eu meh. Jaˇˆ gʼaˬ laˆ saˆ-eu saˬ laˬ gʼoˬ gʼawˬ mya gʼaˬ neh bi laˆ saˆ-awˇ, kʼaˇ jaˆ-eu jeˬ dawˬ tawˆ luꞈ ahˬ dzeh-awˇ laˆ saˆ jiˇ-euˬ kʼawꞈ, maˬ taˬ leˇ-eu uˬ taꞈ, paˇ naˇ dzehˬ laˇ-euˬ meh.

Yeˬsuˇ-euˬ pehˇ kʼahˬ-ahˇ aˬ yawꞈ toeˬ ciˆ-euˬ nehˬ-ehˇ, aˬ yawꞈ shiˬ doˆ luꞈ-eu tiˬ poˆ tehꞈ-ehˇ tsiˇ leˇ-awˇ, aˬ yawꞈ-euˬ naˇ gawˇ taˬ leˇ-euˬ gaˇ kawˆ, gʼawˇ mawˇ laꞈ kʼoeˇ siˬ duˬ leˇ-euˬ meh.

Aˬ buˇ kʼoeˇ gʼaˬ-euˬ aˬ laꞈ-ahˇ Yeˬsuˇ nyehꞈ tehˬ-awˇ, “Daˬ liˇ daˬ guˇ miˇ” lehˇ ehˇ nehˬ-euˬ meh. Dawˬ tsuiꞈ-aˬ, “Aˬ buˇ zaˬ-oˇ, tuˇ-awˬ lehˇ ngaˇ nawˬ-ahˇ ehˇ-eu ma” lehˇ ehˇ mawꞈ-eu meh.

Yeˬsuˇ kʼoeˇ loꞈ-ehˇ ehˇ luꞈ ngeh, Yaˬiˇluˆ-euˬ nymˇ-ahˇ neh tsawˇ haˬ tiˬ deuˬ laˇ-awˇ, “Nawˬ buˇ shiˇ tsehˆ gʼaˬ-euˬ meh. Saˬ laˬ-ahˇ taˬ paˇ laˆ bahˬ hawˇ-awˬ” lehˇ, Yaˬiˇluˆ-ahˇ ehˇ gaˬ laˇ-euˬ meh. Tsawˇ haˬ kʼoeˇ deuˬ kʼoeˇ loꞈ-ehˇ ehˇ gaˇ Yeˬsuˇ maˬ naˇ haˬ ni, “Kʼahˬ taˬ lahˇ. Jah-eu nui ma ahˇ naˇ gʼaˬ-aˇ” lehˇ, Yaˬiˇluˆ-ahˇ ehˇ nehˬ-euˬ meh.

Aˬ jeˬ miˇ neh ehˇ naˇ, “Nehꞈ yaw jawꞈ-oˇ, tsawˇ haˬ heu gʼaˬ-euˬ laꞈ kʼoeˇ neh doˆ le-awˬ” lehˇ, aˬ yawꞈ-ahˇ Yeˬsuˇ ehˇ nehˬ-euˬ meh. Yeˬsuˇ ehˇ-eu, “Nawˬ-euˬ tsawˇ myahˇ aˬ joˆ-ehˇ myahˇ teˬ.” Aˬ yawꞈ ehˇ-eu, “Nga maꞈ yaw myaˬ miˇ neh, ‘Yehˇyehˇmaꞈ’ lehˇ myahˇ-euˬ ma.”