Popularne wersety biblijne z Maˬkuˆ 4

Udostępnij

Yeˬsuˇ tuˇ laˇ-awˇ, jaˬ lehˇ-ahˇ “Ciˬ cuˇ ni jawˇ-awˬ” lehˇ dehˬ-awˇ, iˇ luˆ-ahˇ “Naˬ leˇ-awˬ” lehˇ ehˇ nehˬ ngeh, jaˬ lehˇ lehˇ ma baw-eu naˬ leˇ-awˇ, ciˬ cuˇ ni pyeuꞈ-iˇ-euˬ meh. Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Aˬ jeˬ miˇ neh naw maꞈ teu naˆ naˆ-ehˇ guˆ-eu nya. Jah-eu nui ma maˬ ahˇ te siˬ loˇ.”

Ehˇ kʼawꞈ, aˬ yawꞈ maꞈ guˆ dui dui-iˇ-awˇ tiˬ gʼaˬ tiˇ gʼaˬ ehˇ-eu, “Tsawˇ haˬ teu gʼaˬ aˬ joˆ-ehˇ gʼeh-eu tsawˇ haˬ nga. Jaˬ lehˇ hawˇ-eu iˇ luˆ-ahˇ keuˆ ni aˬ yawꞈ-euˬ dawˬ naˇ haˬ-eu nga laˬ.”

Yeˬsuˇ-aˬ, lawˬ-euˬ naˇ kʼah paw uˬ gʼmˬ gʼmˬ-awˇ yuꞈ kʼaˆ taˬ-euˬ meh. Zaˬ lahˇ deuˬ aˬ yawꞈ-ahˇ laˆ noeˬ-awˇ, “Saˬ laˬ-oˇ, nga maꞈ shiˇ jiˇ-eu keuˆ laˇ-euˬ nawˬ-ahˇ kʼahˬ maˬ lahˇ nya loˇ” lehˇ ehˇ nehˬ-euˬ meh.

Aˬ yawꞈ maꞈ-ahˇ aˬ yawꞈ heu loꞈ-ehˇ paˇ ehˇ nehˬ-euˬ meh. “Kʼaˇ ya gaˬ-euˬ yawˬ jeˬ na luꞈ-ahˇ yaw muiˬ paˬ-ehˇ noeˬ gahˇ-awˇ naˇ haˬ geuꞈ-awˬ. Naw maꞈ neh aˬ cawˬ-ahˇ kʼaˇ jahˇ nehˬ-euˬ loꞈ-ehˇ, naw maꞈ-ahˇ Miˬyehˇ jahˇ kʼoꞈ nehˬ laꞈ tehꞈ-a. Kʼoeˇ naˆ maˬ tseˇ kʼawꞈ, naw maꞈ-ahˇ paˇ jahˇ kʼoꞈ nehˬ laꞈ tehꞈ-a.

Yeˬsuˇ heu loꞈ-ehˇ paˇ ehˇ-eu meh. “Miˬyehˇ Miˇkʼahˬ-aˬ, heu gaˇ duˇ-eu meh. Tsawˇ haˬ tiˬ gʼaˬ deh yaˇ-ahˇ siˬ yoeˬ sehˬ-euˬ meh. Ciꞈ le naˇ yuꞈ, bya laˇ naˇ tuˇ tuˇ-ehˇ jawˇ luꞈ ngeh, siˬ yoeˬ kʼoeˇ aˇ ji ji laˇ-awˇ huiˬ laˇ luꞈ-eu meh. Ehˇ kʼawꞈ, aˬ joˆ-ehˇ ji laˇ-awˇ huiˬ laˇ luꞈ-eu gaˇ kawˆ aˬ yawꞈ maˬ siˬ nya-a.

Naˬ bawˇ kʼaˇ tsoꞈ-eu tsawˇ haˬ deuˬ naˇ haˬ-awˬ.”