Popularne wersety biblijne z Keriben 2

Pales o Petros phend’as lenge, Laǧan tumen! he javen bolde, sako tumendar, andro Ježišiskro Kristoskro Nav, kaj te muken tumāro bilāčo keriben, he te len tumen o Devleskro Vōd’i!

He bešle zorāles andro sikl’āripen he andro kamiben e Bičhadengro, he phagle o mārro, he mangle pes ke mro Devel.

He ehas savore pherde mre Devleskre Vōd’eha, he l’ile te vakeren avre čhibentsa, har e Vōd’i lenge diñas te šaj vakeren.

Najekvar avl’as jek bāro tsinkos kathar o devel, har varehavi bāri balval, he pherd’as savoro kher kaj bešenas. Sikade pes lenge duvār čhiba har jag, he bešte pre sako lendar. He ehas savore pherde mre Devleskre Vōd’eha, he l’ile te vakeren avre čhibentsa, har e Vōd’i lenge diñas te šaj vakeren.

He ačhenas sako d’ives jekha gōd’aha andre kangeri, he phagenas mārro, he phirenas kherestar ko kher, he xanas peskro xāben lāčibnaha he čāčibnaha andro jilo. He hašārde mre Devles, he ehas kamle savore manušendar. He o Raj kediñas sako d’ives ke Kangeri odolen, so kamenas t ’aven ǧide.

He avela andro palūne d’ivesa, phenel mro Devel, kaj me čhivava mre Vōd’estar andra savoro mas, he tumāre čhāve he tumāre čhaja vakerena o Devleskre Lava, he tumāre terne manuša he tumāre phure manuša dikhena sūne.

He savore so pat’anas ehas jekhethāne, he savoro ehas ke lende har jek. He bikende savoro, so has lengro, he ulade les savore manušenge, har sako kamelas.

He avela, kaj sako manuš, so vičinela o Nav mre Devleskro ikerela pes ǧides.

O kham avela kālo, he o čhon avela ratvālo kana avela o bāro he ǧāndlo mre Devleskro d’ives.