Popularne wersety biblijne z پولُسئے کاگد په رومیان 10

Udostępnij

اگن دپِ وَت بمَنّئے که ایسّا هُداوند اِنت و وتی دلئے تها باور بکنئے که هُدایا آ چه مُردگان زندگ کرتگ، گڑا رَکّئے.

چێا که اِنسان دلئے تها ایمانَ کاریت و راستاوَر هسابَ بیت، دپِ وَت هم مَنّیت و اے پئیما آییا نجاتَ رسیت.

گڑا ایمان چه اِشکُنگا کئیت و اِشکُنگ چه مَسیهئے پئیگامئے جارا.

پاکێن کتابَ گوَشیت: ”هرکَس که آییئے سرا ایمانَ کاریت، هچبر شرمندگَ نبیت.“ اے بارئوا یَهودی و درکئومئے نیاما پرک و پێرے نێست. چێا که همے یکّێن هُداوند، سجّهێنانی هُداوند اِنت و په هما درُستیگێن مردمان که آییا تئوارَ کننت، بێکِساس سَکی و بَکشۆک اِنت. چێا که ”هرکَس که هُداوندئے ناما گیپت و آییا تئوارَ کنت، آ رَکّیت.“

و جار جنۆک چۆن جار بجننت اگن رئوان دئیگ نبوتگ‌اَنت؟ اَنچُش که نِبشته اِنت: ”آ مردمانی پاد و کدم نێک اَنت که وَشّێن مِستاگئے جارا جننت.“

نون مردم چۆن یکّێا تئوار بکننت که آییئے سرا ایمانِش نئیاورتگ؟ و چۆن یکّێئے سرا ایمان بیارنت که آییئے بارئوا چیزّے نه‌اِشکتگِش؟ و چۆن بِشکننت اگن کسے آیانی کِرّا اے جارا مجنت؟

مَسیه، شَریَتئے سَرجمی و کاملی اِنت. نون هرکَس که ایمانَ کاریت، راستاور و بێمئیار هسابَ بیت.