Daniẹl 5
5
Isiesi rọ hẹ Igbẹhẹ na
1Ovie Bẹlshaza de chere emu buebu kẹ ehọnvwọre rọye uriori, ọ da je da udi vwẹ irharo rẹ uriori na.
2Ọke ri Bẹlshaza vwọ davwẹ udi na ọ da tanẹ e mu ekuakua rẹ oro vẹ iri idono efuanfon ri Nebukadneza, ọsẹ rọye ghwẹ nẹ uwevwi rẹ Ọghẹnẹ vwi Jerusalẹm rhe, nẹ a ghwẹ ayen rhe, rere ovie vẹ ehọnvwọre rọye, te eya rọye vẹ esen rọye vwẹ ayen da udi. 3Etiyin ayen da ghwẹ ekuakua rẹ oro vẹ idọnọ efuanfọn na ra ghwẹ nẹ uwevwi rẹ Ọghẹnẹ vwi Jerusalẹm rhe; te ovie na te ehọnvwọre rọye, te eya rọye te esen rọye da vwẹ ayen da udi. 4Ayen da da udi, ayen de jiri ẹdjọ rẹ oro vẹ idọnọ efuanfọn, ẹrọvwo, utehru, urhe vẹ oragha.
5Etiyin irhiabọ rẹ obọ rẹ ohwo ọvo da vwẹ oma phia o de si isiesi phihọ oma rẹ igbẹhe rẹ ighẹn rẹ ovie, ro hirhe opharo ku asan re muẹ urhukpẹ kpahe vwẹ uwevwi rẹ ovie na, ovie da mrẹ obo na ro vwo siẹ na. 6Etiyin oma rẹ ovie na da rhẹriẹ, iroro rọye da dje oshọ muo; abọ vẹ awọ rọye ke ghwrọghrọ, Igbo rọye ki gbe luelue. 7Ovie na de kperi nẹ a reyọ otu rẹ eboepha na rhe, ihwo ri Kaldia na, kugbe ihwo ri nẹ isio na. Ovie na da ta kẹ evwaghawnre ri Babilọn ohwo kohwo ro se se obo re siri na, ọ da rha fan otọ rọye kẹ vwẹ, ka vwẹ emwa rẹ isene vwọ rhuo, e mi rhe phi ojọnrọn rẹ oro phihọ ohọre rọye, kọ dia ohwo rerha vwẹ uvie na. 8Etiyin evwaghwanre rẹ ovie na ejobi da rhe, ẹkẹvuọvo ayen se se obo re siri na, yẹrẹ sa fan otọ rọye kẹ ovie-e. 9Etiyin oshọ de mu ovie Bẹlshaza gangan, ophioma rọye de kurhẹriẹ, ofu de ji dje ehọnvwọre rọye.
10Aye rẹ ovie na, da je rhe asan ra da da, da ria vwẹ ọguan rẹ ovie na, fiki rẹ ota rẹ ovie na vẹ ehọnvwọre rọye; etiyin aye rẹ ovie na da ta, E ovie, wọ re bẹdẹ! Wo jẹ iroro wẹn djẹ oshọ mu we-e, yẹrẹ ophioma wẹn kuẹrhẹriẹ-ẹ. 11Ohwo ọvo herọ vwẹ evun rẹ uvie wẹn na ro vwo erhi rẹ eghẹnẹ efuanfon na. Vwẹ ọke rẹ ọsẹ wẹn, orẹmrẹ vẹ ọhọ vẹ aghwanre, kerẹ aghwanre rẹ eghẹnẹ na, obọ rọye a da mrẹ. Ovie na Nebukadreza ọsẹ wẹn, de vwo ru onotu kẹ otu ri ruẹ egbẹnẹkẹ, otu rẹ idjene, otu ihwo ri Kaldia kugbe otu rẹ ihwo ri nẹ isio. 12Fikiridie erhi esiri, erianriẹn, vẹ ọhọ ra vwọ fan otọ rẹ evwerhẹ, kugbe ido, kugbe ohwo rọ sa fan otọ rẹ emu ọbẹnbẹn obọ ri Daniẹl a da mrẹ, ohwo rẹ ovie se nẹ Bẹlteshaza. Asakiehana, je re se Daniẹl rhe, kọ cha fan otọ rọye. 13Etiyin a da reyọ Daniẹl rhe obaro rẹ ovie na. Ovie na da ta kẹ Daniẹl, Wẹ hẹ Daniẹl na, ọvo vwẹ usun rẹ ihwo re mu nẹ Juda rhe, rẹ ovie ọse mẹ mu nẹ Juda rhe? 14Mi nyo ikun wẹ nẹ erhi rẹ ẹghẹnẹ efuanfọn na hẹ evun wẹn, nẹ orẹmrẹ, vẹ ẹruọ vẹ omamọ rẹ aghwanre rhe we. 15Asakiephana evwaghwanre vẹ otu rẹ idjene na, e se ayen rhe obaro mẹ rere ayen se obo re siri na, re ayen rha fan otọ rọye kẹ vwẹ; ẹkẹvuọvo ayen sa fan otọ rẹ ota na-a. 16Ẹkẹvuọvo mi nyori nẹ wọ sa fan otọ rẹ emu kugbe obo re bẹn kẹ ohwo ejobi. Asakiephana wo de se se obo re siri na wọ da rha fan otọ rọye kẹ vwẹ, ka vwẹ amwa rẹ isene vwo rhuo we, e mi rhe ku ọjọnrọn rẹ oro phihọ ohọre wẹn, ku wọ cha dia ohwo rerha ro suẹn vwẹ uvie na.
17Etiyin Daniẹl da kpahe kẹ ovie na, Jẹn ẹse wẹn vwo kẹ omaobọ wẹn, wo ru ẹse wẹn kẹ ohwo ọfa; dede na obo re siri na mi se kẹ ovie re me je fan otọ roye kẹ. 18E ovie, Ọghẹnẹ ro Me Kpenu ejobi vwẹ adia rẹ ovie, ọrho te urinrin vẹ ọghọ kẹ Nebukadneza ọsẹ wẹn. 19Ọ da rho gangan, ihwo ejobi, ẹgborho vẹ ephẹrẹ vwọ phariẹ djẹ oshọ vwẹ obaro rọye; ohwo ro jere ọye o hwe, ọ rọ jere ọ mi jovwo nẹ ọ dia akpọ, o ro jere o mi vwo kpenu, o ro rhe je o mi vwo kpotọ. 20Ẹkẹvuọvo ọke rọ rhi vwo mu udu rọye kpenu rẹ erhi rọye rhe vwọ gan, ko herẹ e de sio nẹ ekete rẹ uvie rọye e de mie urinrin rọye; 21a da djẹ nẹ ohri rẹ ihwo, e de rhe hirhe iroro rọye phihọ ọ rẹ eranvwe, ọ vẹ ekẹtekẹtẹ rẹ aghwa kọye gba dia; kọ ria odi kerẹ erhuẹn, oma rọye da rha kpọrhọ vẹ irho ro nẹ obo odjuvwu cha, bẹsiẹ rọ vwọ riẹn nẹ Ọghẹnẹ ro Me Kpenu ejobi ọye ri suẹn uvie rẹ ihwo. Ọ ro were ọye ọ vwọ ka enu. 22Wẹ rẹ ọmọ rọye, Bẹlshaza, wọ rha vwẹ udu wẹn kpotọ-ọ, dede ju wọ riẹn ọnana ejobi, 23ẹkẹvuọvo wo de mu oma kpenu Ọrovwohwo ro vwo odjuvwu na; ekuakua rẹ uwevwi rọye a ghwa ayen rhe obaro wẹn, te owẹ, te ehọnvwọre wẹn, eya vẹ ense wẹn da vwẹ ayen da udi; wo de ji jiri eghẹnẹ rẹ idọnọ efuanfon vẹ oro, ẹrovwo, utehru, urhe vẹ oragha rẹ mrorẹ-ẹ, i ji nyo ẹme-e e ji vwo eriariẹ-ẹn, ẹkẹvuọvo Ọghẹnẹ rẹ arhọ wẹn hẹ obọ rọye; rẹ idjerhe wẹn ejobi rheri, wọ je vwẹ ọghọ kẹ-ẹ.
24Obaro rọye ọye e ji obọ na nurhe, ọnana kọye obo re siri na. 25Onana kọye obo re siri na: MẸNẸ, MẸNẸ, TẸKẸL, kugbe PARSIN. 26Ọna kọye otọ rẹ ota na. MẸNẸ, Ọghẹnẹ kerẹ ẹdẹ rẹ uvie wẹn o de vwo te oba; 27TẸKẸL, E mu we phihọ uwan nure a da mrẹ nẹ wo mu uwa-an. 28PẸRẸS, A ghare uvie wẹn a da vwọ kẹ ihwo ri Mid vi Pẹsha.
29Etiyin Bẹlshaza de ji urhi, a vwẹ emwa rẹ isene vwo rhuo Danẹl, e de ku ejọnrọn rẹ oro phihọ ohọre rọye, e de rhe ghwoghwo kpahọ nẹ, ọ gba dia osun rerha ro suẹn vwẹ uvie na.
30Ason yena ọvuọvo na e de hwe Bẹlshaza ovie ri Kaldia. 31Dariọs ohwo ri Mid da reyọ uvie na, ohwo rẹ oma rẹ ẹgbukpe ujorha gbe ivẹ.
Currently Selected:
Daniẹl 5: UBV77
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.