Lv CHIK'B'AB'L
CHIK'B'AB'L
Aju' yol Leb'itiko atz'elpuna'ju' Ati toklen, mujqa, kye tyajajil Leb'i. Aye'ju' tyajajil Leb'i ati kyoklen te pale mujqa onil kyoju' ajb'eb'l toj k'u'lb'il twitz Qman Dyos ex ka'yilteju' tja Dyos. Okq'o'n tb'iju' u'j lu ikju', qu'n atzu' tku'xa'qe'ju' nuk'b'il ex chaq'b'il kyi'ju' aq'untl toj tja Qman Dyos, nuk'b'il toj k'u'lb'il, chaq'b'il kyi'ju' tu'me'l ẍtilsab'l, e'nimaq ninq'ij twitz Dyos ex kyi'ju' k'a'chb'il b'a'n kywayet ex min q'o'n tu'n kywayet.
A tnab'lxi'x u'j ja'lu aju' xjanb'ilte Qman Dyos nkyk'lu'n aj Israel exju' tu'n kyb'inchante ttanam tu'n tten kychwinqlal ẍtilun, kse'nxte Dyos xjan te. Nyolin kyoju' b'a'npun aq'pub'lteju' u'j lu kyi'ju' chaq'b'il kyi'j chojb'il ex oyaj (1.1—7.38), tej tokq'o'n Aaron kyuk'i'lju' tk'wal toj oklenj te pale (8.1—10.20), chaq'b'il kyi'j alkyeqe' tz'il ex tu'me'l tu'n kyẍtilset (11.1—15.33), kse'n tu'n tik'seta'ju' q'ij te najsb'il il (16.1-34), e'chaq'b'il ti'ju' xjansb'ilteju' kychwinqlal toj k'u'lb'il. Tojtzu'n u'j lu (19.18) tzaja' tna'n Qman Jesukrist jun nimaq chaq'b'il (Mat. 22.39), aju' tu'n qk'u'jlante qwnaqil.
Markert nå:
Lv CHIK'B'AB'L: MAMO
Marker
Kopier
Sammenlign
Del
Vil du ha høydepunktene lagret på alle enhetene dine? Registrer deg eller logg på
Biblia Mam Ostuncalco © Sociedad Bíblica de Guatemala 1999