ລູກາ 6
6
ພຣະເຢຊູເຈົ້າໃມ໋ອຳນາດເປີງຕະໄງຊະບາໂຕ
(ມທ 12:1-8; ມຣກ 2:23-28)
1ເຮິຕະໄງຊະບາໂຕ ພຣະເຢຊູເຈົ້າ ແລະເອີນສາວົກທິພຣະອົງກຳລັງຕາເຕິກຜ່ານທົງເກຣງເຕິກ ເອີນສາວົກທິພຣະອົງປິດກັດຈ໋ອກຮາກ໋ອງແຈ໋ະແລະເຕ໋ຮຈາ 2ເອີນຟາຣີຊາຍບາງຄົນປິດຕາຍຈຶ່ງເບົ໋າວ່າ, “ເປະເຕໄປຈຶງກັດຮາກ໋ອງແຈ໋ະເຮິຕະໄງຊະບາໂຕ?”
3ພຣະເຢຊູເຈົ້າເພີຼບຫາມາຍວ່າ, “ໄປຢີປິດອ່ານບໍກຽ່ວກັບສິ່ງທີ່ດາວິດປິດປືຼມເຮິເວລາທີ່ລາວ ແລະລູກສິດທິລາວປາງອດປອຣ໌? 4ດາວິດປິດມູດນືຫໍເຕັນທິພຣະເຈົ້າ ເຫີປິດຈາເຂົ້າຈີທີ່ປະໂຣຫິດອະນຸຍາດເນຈາ, ເຫີນະປິດປານາກອຳລູກສິດທິເຫີຈາດ້ວຍ.”
5ແລ້ວພຣະເຢຊູເຈົ້າກໍປິດເບົ໋າຕໍ່ຫາມາຍວ່າ, “ນາເປຼີຍກອນມະນຸດ ເປີຼຍອົງພຣະຜູ້ເປັນເຈົ້າທິຕະໄງຊະບາໂຕ.”
ພຣະເຢຊູເຈົ້າຊົງຮັກສາກາລໍຕີຕຽດ
(ມທ 12:9-14; ມຣກ 3:1-6)
6ນືຕະໄງຊະບາໂຕອີກໂມຍຕະໄງ ພຣະເຢຊູເຈົ້າປິດມູດນືທຳມະສາລາ ແລະເລີ່ມສັ່ງສອນປະຊາຊົນ ນືທີ່ເຢຍໃມ໋ກາລໍມີຣາທີ່ຕີຕິນເກວຕຽດ. 7ເອີນຟາຣີຊາຍເກິເອີນຄູສອນກົດບັນຍັດບາງຄົນ ຫາມາຍຈຳຮາເລຢ່າງລະມັດລະຫວັງເຜີຮາເລວ່າ ພຣະເຢຊູເຈົ້າຈະປິ່ນປົວກາລໍປີນຸ໋ຍແນັເຮິຕະໄງຊະບາໂຕ ເພາະຫາມາຍໂງນຈະທັຽງຂໍ້ຣັບຜິດພຣະອົງ. 8ແຕ່ພຣະເຢຊູເຈົ້າ ຈືຄວາມຄິດທິຫາມາຍ ດັ່ງນັ້ນ ພຣະອົງຈຶ່ງເບົ໋າແກ່ກາລໍຕີຕຽດເຢຍວ່າ, “ຈົ່ງຕຶກ ແລະເຈິະຕີເງືຼຣ໌.” ກາລໍປີນຸ໋ຍເຢຍຈຶ່ງຕຶກ ແລະເຕິກເຊິງນືທີ່ເຢຍ. 9ແລ້ວພຣະເຢຊູເຈົ້າ ກໍເບົ໋າແກ່ເອີນຟາລີຊາຍແລະເອີນຄູສອນກົດບັນຍັດວ່າ, “ນາຂໍເຕືອນໄປວ່າ, ‘ກົດຕະໄງຊະບາໂຕທິສີນາອະນຸຍາດອຳສີນາປືຼມເຣາະ ຫຼືປືຼມຊົ່ວ? ເນຊ່ວຍຊີວິດທົວະ ຫຼືເນທຳລາຍຊີວິດຕັກ?’” 10ພຣະອົງຮາເລມັດຫາມາຍໂຕດສະເນ໋ະແລ້ວເບົ໋າ ແກ່ກາລໍຕີຕຽດວ່າ, “ຈົ່ງປາຢອຍຕີໄມເຍືອຍ” ກາລໍຕີຕຽດກໍປາຢອຍຕີທິຕົນເຍືອຍ ແລະຕີທິລາວກໍເຣາະເປີຼຍປົກກະຕິ.
11ແຕ່ເມື່ອເອີນຄູສອນກົດບັນຍັດ ແລະເອີນຟາຣີຊາຍ ປິດຕາຍສິ່ງແນັຫາມາຍກະເຈົ໋າທຳ ແລະປິດປຶກສາກັນວ່າຈະປືມເປະເຕເກິພຣະເຢຊູເຈົ້າ.
ພຣະເຢຊູເຈົ້າຊົງເລີຼກຈ໋ອກອັກຄະສາວົກມາເຈັດປຣຽຣ໌ຣາ
(ມທ 10:1-4; ມຣກ 3:13-19)
12ເຮິເວລາເຢຍ, ພຣະເຢຊູເຈົ້າປິດຕຶກເຕິກປືງກວຣ໌ມີໜວຍ ເຜີພາວັນນາອະທິຖານ ແລະໃຊ້ເວລາພາວັນນາອະທິຖານຕໍພຣະເຈົ້າໂກຼທີ່ເຢຍຕະລອດມັງ. 13ປຣຽງຕະໄງຕໍ່ມາ, ພຣະເຢຊູຈຶ່ງກະເລົ໋າບັນດາສາວົກໂຕດແອເຕິກທັຽງພຣະອົງ ແລະຫາມາຍກໍເຕິກທັຽງພຣະອົງ ພຣະອົງເລີກຈ໋ອກມາເຈັດປຣຽຣ໌ຣາ ແລ້ວພຣະອົງຊົງກາເລົ໋າເອີນເຫີວ່າ ອັກຄະສາວົກ. 14ທີເນາະທິອັກຄະສາວົກແມ່ນ ຊີໂມນ (ທີ່ພຣະເຢຊູເຈົ້າຕັ້ງທີເນາະອຳວ່າ, ເປໂຕ) ແລະ ອັນເດອາ ເອ໋າະກະລໍທິເຫີ, ຢາໂກໂບ ແລະໂຢຮັນ, ຟີລິບ ແລະ ບາຣະໂທໂລມາຍ, 15ມັດທາຍ ແລະ ໂທມາ, ຢາໂກໂບ ກອນກາລໍທິອາລະຟາຍ, ຊີໂມນ (ຜູ້ທີ່ກາເລົາກັນວ່າ, “ເຊໂລເຕ”#6:15 “ເຊໂລເຕ” ຄວາມໝາຍວ່າ ຜູ້ທີ່ໃມ໋ຄວາມກະຕືລືລົ້ນ ສຳລັບຄວາມເປັນເອກະລາດທິຊາວຢິວຈາກ ໂຣມ) 16ຢູດາ ກອນກາລໍທິຢາໂກໂບ ແລະ ຢູດາອິດສະກາຣີອົດຜູ້ຢີສັດຊືຕໍ່ພຣະເຢຊູເຈົ້າ.
ພຣະເຢຊູະເຈົ້າສັ່ງສອນ ແລະຊົງຮັກສາປີນຸ໋ຍເນເຣາະພະຍາດ
(ມທ 4:23-25)
17ເມື່ອພຣະເຢຊູເຈົ້າເກິເອີນສາວົກທິພຣະອົງເຕືອຍຕິນກວ໌ຣສະ ຫາມາຍກໍຍໍາໂກຼບ່ອນພຽງບ່ອນໂມຍ ນືບ່ອນເຢຍ ໃມ໋ສາວົກທິພຣະອົງທຳຣາພ້ອມດ້ວຍປະຊາຊົນມຶມຶນທຳ ທີ່ເຈິະຈາກທົ່ວແຂງຢູດາຍ ຈາກນະຄອນເຢຣູຊາເລັມ ແລະຈາກຝັງທະເລທິເມືອງຕີເຣເກິເມືອງຊີໂດນ, 18ຫາມາຍເຈິະເຜີຕະເມິງພຣະເຢຊູເຈົ້າສັ່ງສອນ ແລະເຜີເນພຣະເຢຊູເຈົ້າປິ່ນປົວຮັກສາຫາມາຍເນເຣາະພະຍາດ ແລະບັນດາຜູ້ທີ່ປຼ໋ະປຼີຢີເຣາະລົບກວນ ພຣະອົງກໍຊົງເນນຽມເຣາະມີສະເນີ 19ປະຊາຊົນໂຕດສະເນ໋ະຕ່າງກໍພະຍາຍາມຣັບບາຍພຣະເຢຊູເຈົ້າ ເພາະວ່າຣິດອຳນາດເຍືອຍຈາກພຣະອົງ ແລະປິ່ນປົວຫາມາຍໂຕດສະເນ໋ະເນນຽມເຣາະ.
ຄວາມສຸກ ແລະວິບັດ
(ມທ 5:1-12)
20ຈາກນັ້ນພຣະເຢຊູເຈົ້າຮາເລເອີນສາວົກທິພຣະອົງສະກໍເບົ໋າວ່າ,
“ໄປທີ່ທ໋ອກຍາກກໍເປີຼຍສຸກ,
ເພາະອານາຈັກທິພຣະເຈົ້າ
ເປີຼຍທິໄປ
21ໄປທີ່ອຶດໂງນທິແນັ ກໍເປີຼຍສຸກ,
ເພາະວ່າ ພຣະເຈົ້າຈະຊົງໂຜດ
ເນໄປປີເຮະ
ໄປທີ່ເຍີມທິແນັກໍເປີຼຍສຸກ,
ເພາະວ່າ ໄປຈະດີໃຈທຳຈົນສະອາ.”
22“ໄປຈະເປີຼຍສຸກທຳ ເມື່ອປີນຸ໋ຍຕຼຸບສະເນ໋ະຕະນ໊ອກໄປ, ໂຕ໋ຮປະຕູໄປເນຕູເຕິກ, ຕິຕຽນນິນທາໄປ ແລະປະຕິເສດທີເນາະທິໄປວ່າຊົ່ວ ເພາະໄປເຊີໄວ້ວາງໃຈນືນາກອນມະນຸດ. 23ເຮິເວລານັ້ນ ໄປຈົ່ງໃມ໋ຄວາມສຸກ ແລະຈົ່ງດີໃຈດ້ວຍຄວາມຍິນດີ ເພາະຮາເລໂຢະ! ບຳເໜັດທິໄປໃມ໋ບໍລິບູນໂກຼນືສະຫວັນ ເພາະວ່າບັນດາບັນພຣະບຸລຸດທິຫາມາຍປິດປືມເປະແອ ແກ່ຜູ້ທຳນວາຍມີສະເນີ.”
24“ແຕ່ວິບັດໃມ໋ແກ່ໄປ
ຜູ້ເປີຼຍປີນຸ໋ຍຮັ່ງໃມ໋,
ເພາະໄປໃຊ້ຊີວິດໂກຼຢ່າງສຸກສະບາຍນືໂລກແນັສະ
25ວິບັດໃມ໋ແກ່ໄປ ທີ່ປີເຮະກາລໍແນັ
ເພາະວ່າໄປຈະອຶດໂງນ
ວິບັດໃມ໋ແກ່ໄປ ທີ່ກຳລັງສະອາເຢາະເຢີ້ຍ
ໂກຼກາລໍແນັັ
ເພາະໄປຈະທຸກໂສກ
ແລະເຍີມ.”
26“ວິບັດໃມ໋ແກ່ໄປ ໃມ໋ໂຕດສະເນ໋ະທີ່ຍ້ອງຍໍວ່າໄປເປີີຼຍປີນຸ໋ຍເຣາະ ເພາະບັນພຣະບຸລຸດທິຫາມາຍກໍປິດເບົ໋າຢ່າງດຽວກັນແນັແຫຼະ ໃມ໋ຜູ້ທີ່ອ້າງຕົນວ່າເປຼີຍຜູ້ທຳນວາຍທິພຣະເຈົ້າມຶນຢີມາດ.”
ຄວາມຮັກຕໍ່ສັດຕູ
(ມທ 5:38-48; 7:12)
27“ແຕ່ນາເບົ໋າເລື່ອງແນັແກ່ໄປທີ່ປິດຕະເມິງນາວ່າ, ໄປຄວນຮັກສັດຕູທິໄປ ແລະຈົ່ງປືມເຣາະແກ່ປີນຸ໋ຍທີ່ຕະນ໊ອກໄປ, 28ໄປຈົ່ງອວຍພອນປີນຸ໋ຍທີ່ປອ່ຍປະຊ່ອງໄປ ແລະຈົ່ງພາວັນນາອະທິຖານເຜີປີນຸ໋ຍທີ່ຂົ່ມເຫັງໄປ. 29ຖ້າໃມ໋ປີນຸ໋ຍເຕຕາບຕາປ໋ວກໄມມີເປິຼ ເພາະດູຖູກທ່ານ ຈົ່ງເນລາວຕາບເກີບມີເປຼິ ຖ້າໃມ໋ປີນຸ໋ຍຈ໋ອກອາວເກິ໋ດນອກທິໄມ ມະຫ້າມລາວທີ່ຈະຈ໋ອກອາວນືເນົາທິໃມ໋ເຕິກກໍຈົ່ງອຳຫາມາຍມີສະເນີ. 30ຈົ່ງອຳແກ່ໂຕດສະເນ໋ະທີ່ລາບາງສິ່ງເກິດໄມ ແລະຖ້າປີນຸ໋ຍເຕຈ໋ອກສິ່ງຂອງໄມເຕິກ ມະທວງເຕືອນຈ໋ອກຄືນ. 31ໄມໂງນເນປີນຸ໋ຍອື່ນປືຼມເປະເຕເກິໄມ ຈົ່ງປືມເປະເຢຍເກິຫາມາຍມີສະເນີ.”
32“ຖ້າໄປຮັກແຕ່ປີນຸ໋ຍທີ່ຮັກໄປ ແຕ່ເທົ່ານັ້ນຈະເປີຼຍຄຸນເມ໋າະແກ່ໄປ? ແມ່ນແຕ່ບັນດາປີນຸ໋ຍບາບກໍນະຮັກ ຜູ້ທີ່ຮັກຫາມາຍມີສະເນີ. 33ແລະ ຖ້າໄປປືຼມເຣາະຕໍ່ປີນຸ໋ຍທີ່ປືຼມເຣາະຕໍ່ໄປແຕ່ເທົ່ານັ້ນ ມັນຈະໃມ໋ປະໂຫຍດອາເຕເນໄມເຣາະ? ຂະນາດປີນຸ໋ຍບາບຕຼຸບສະເນ໋ະກໍນະປືຼມເປະແອມີສະເນີ 34ແລະຖ້າໄປອຳປີນຸ໋ຍຢືມ ໂດຍວັງຈະປິດຄືນຈາກຫາມາຍແຕ່ເທົ່າເຢຍ ຈະເປີຼຍຄຸນຫຍັງແກ່ໄປ? ແມ່ນແຕ່ປີນຸ໋ຍບາບກໍນະອຳປີນຸ໋ຍບາບຢືມ ໂດຍຫວັງຈະປິດຈ໋ອກຄືນເທົ່າກັນ. 35ໄປຈົ່ງຮັກສັດຕູທິໄປ ຈົ່ງປືຼມເຣາະຕໍ່ຫາມາຍ, ຈົ່ງອຳຫາມາຍຢືມສິ່ງຂອງບາງຢ່າງໂດຍຢີຫວັງຈະປິດຈ໋ອກສິ່ງຂອງເຢຍຄືນ ແລ້ວພຣະເຈົ້າຈະອໍາບຳເໜັດມຶນຕາເມ໋ະ ແລະໄປກໍຈະເກີດເປີຼຍກອນທິພຣະເຈົ້າອົງສູງສຸດ ເພາະພຣະອົງໃມ໋ຄວາມສະເລິະເກິປີນຸ໋ຍທີ່ຢີຈືຂອບໃຈເແລະປີນຸ໋ຍຊົ່ວ. 36ໄປຕຼຸບສະເນ໋ະຈົ່ງໃມ໋ຄວາມສະເລິະ ມີສະເນີເປະພຣະບິດາເຈົ້າທິໄປ ຜູ້ຊົງໃມ໋ຄວາມສະເລິະແກ່ປີນຸ໋ຍຕຼຸບສະເນ໋ະ.”
ຍຳການຕັດສິນປີນຸ໋ຍອື່ນ
(ມທ 7:1-5)
37“ພຣະເຢຊູເຈົ້າເບົ໋າເກີບວ່າ ມະຕັດສິນປີນຸ໋ຍອື່ນ ແລະພຣະເຈົ້າຈະຢີຕັດສິນໄປ ມະເບົ໋າໂທດປີນຸ໋ຍອື່ນເຜີພຣະເຈົ້າຈະຢີເບົ໋າໂທດໄປ ຈົ່ງອະໄພອຳປີນຸ໋ຍອື່ນທີ່ປຼືມຜິດຕໍ່ໄປ ເຜີພຣະເຈົ້າຈະອະໄພໄປມີສະເນີ. 38ຈົ່ງອຳຫາມາຍຖ້າຫາມາຍຕ້ອງການ ແລະພຣະເຈົ້າຈະອຳໄມຢ່າງເຕັມຈໍານວນ ກະຊັອກເຜີຈະທົວະທໍາ ແລະຍັດເຕືອຍເນປີງເລີຼເກິດນອກ ພຣະເຈົ້າຈະອຳໄປຄືນກາເລດຫຼືຕາເມ໋ະດ້ວຍເຄື່ອງຜອງເຢຍເປີຍ.”
39ພຣະເຢຊູເຈົ້າປິດເບົ໋າຄຳອຸປະມາແນັອຳຫາມາຍວ່າ, “ປີນຸ໋ຍມັດໂຊດຈະໂຕຍມີຣາ ຈະໂຕຍປີນຸ໋ຍມັດໂຊດອີກມີຣາເຕິກປິດຮາເລິ໋. 40ສາວົກຢີຕະເມ໋ະເປີງຄູທິຕົນ, ແຕ່ສາວົກໂຕດສະເນ໋ະເມື່ອປິດຈ໋ອກການຝືກສອນເປະຄົບຖ້ວນສະ ກໍຈະເປີຼຍເປະຄູທິຕົນ.”
41“ເປະເຕໄມຈຶ່ງຮາເລຼກຕາຍບາບກາເລດທີ່ເປຼີຍເປະຂີ້ເລືອຍ ທີ່ໂກຼນືມັດທິເອ໋າະຢາຍທິໄມ, ແຕ່ນະຢີສົນໃຈເກິບາບອັນຕາເມ໋ະທີ່ໄມໃມ໋ ເຊິ່ງເປຼີຍເປະລ່ອງຕາະມ໋ະທີ່ໂກຼນືມັດທິຕົນເອງ? 42ດ້ວຍເຫດໃດໄມຈຶ່ງເລີເບົ໋າຕໍ່ເອ໋າະຢາຍທິໄມວ່າ, ‘ເອ໋າະຢາຍເອີຍ ຂໍເນຂ້ານ້ອຍຈ໋ອກເອັດເລືອຍກາເລດປາເຍືອຍເກິດມັດທິໄມ’ ເແຕ່ລ່ອງລອງອັນຕາເມ໋ະນະໂກຼນືມັດທິໄມ ໄມພັດຮາເລຢີຕາຍ? ໂອ ປີນຸ໋ຍມັດຈະນ໋ອງເກຼີມຕາປຽດເອີຍ ໄມຈົ່ງຈ໋ອກໂກຼະລ່ອງປາເຍືອຍເກິດມັດທິໄມເອງນອຣ໌ ແລ້ວໄມກໍຈະຕາຍສະອາງເຣາະ ເຜີກະຕ໋ອກເອັດເລືອຍປາເຍືອຍເກິດມັດເອ໋າະຢາຍທິໄມ.”
ເລື່ອງຊົ່ວກະເຈົ໋າ
(ມທ 7:16-20; 12:33-35)
43“ແລະພຣະເຢຊູເຈົ້າປິດເບົ໋າວ່າ ເຕີມລອງເຣາະ ຢີຫ່ອນເກີດຜົນຢີເຣາະ ແລະເຕີມລ່ອງຢີເຣາະ ກໍຢີຫ່ອນເກີດຜົນເຣາະ. 44ເຕີມລອງໂຕດເຕີມຈືປິດດ້ວຍໄປຣທິໄອ ໄປຢີເຄີຍແຕ໋ະໄປຣຕຣົງເທດຈາກເຕີມໃມ໋ຊີລາ ແລະຢີເຄີຍແຕ໋ະໄປຣອະງຸນຈາກສີມືຼຊີລາ. 45ວິທີດຽວກັນ ປີນຸ໋ຍເຣາະເບົ໋າສິ່ງເຣາະເພາະຄວາມຄຶດທິຫາມາຍເຣາະ ປິນຸ໋ຍຊົ່ວກໍເບົ໋າສິ່ງຊົ່ວເພາະວ່າຄວາມຄຶດທິຫາມາຍຊົ່ວ.”
ເລື່ອງນາຍຊ່າງປຣຽຣ໌ປະເພດ
(ມທ 7:24-27)
46“ເປະເຕໄປຕຼຸບສະເນ໋ະຈຶ່ງກາເລົ່ານາວ່າ, ‘ພຣະຜູ້ເປັນເຈົ້າ ພຣະຜູ້ເປັນເຈົ້າ’ ແຕ່ໄປຢີປິດປະຕິບັດຕາມສິ່ງທີ່ນາເບົ໋າໄປເນປືຼມ? 47ເອືອຈະອະທິບາຍອຳໄປຈືວ່າ ປີນຸ໋ຍເຢຍເປີຼຍເປະເຕປາທີ່ເຈິະທັຽງເອືອ ແລະປິດຊ໋ອງຄຳເບົ໋າທິເອືອ ແລະປືຼມຕາມທີ່ເອືອເບົ໋າ. 48ລາວເປຼີຍເປະກາລໍທີ່ກໍ່ສ້າງສະນາມທິຕົນ ລາວແຈ໋ະປະເຕ໋ຍຊິຣຸ ແລະຕັ້ງຮາກຖານໃສປຶງຕະໂນຼຕະມໍ ແລະເມື່ອທຽກລູດ ແລ້ວທຽກກໍໄຫຼທັ່ງໃສ່ສະນາມເຢຍ, ແຕ່ຢີອາດປືມອຳສະນາມເຢຍຫວັນໄຫວ ເພາະວ່າປິດປືຼມຮາກຖານທີ່ເຣາະ. 49ແຕ່ປີນຸ໋ຍທີ່ປິດຊ໋ອງຖ້ອຍຄຳທີ່ນາເບົ໋າ ແຕ່ຢີເຊີຟັງ ລາວກໍປຽບເໝືອນກາລໍມີຣາ ທີ່ກໍ່ສ້າງສະນາມທິຕົນປຶງປຼີປະເຕ໋ຍໂລກ ໂດຍຢີໃມ໋ຮາກຖານທີ່ແຂງແຮງ ເມື່ອທຽກລູດໄຫລທັງໃສ່ສະນາມເຢຍ ແລະສະນາມເຢຍກໍຕຼໍທຳລາຍໂຕດແອ.”
Markert nå:
ລູກາ 6: LVI
Marker
Kopier
Sammenlign
Del
Vil du ha høydepunktene lagret på alle enhetene dine? Registrer deg eller logg på
La vy Bible by Beyond Translation is licensed under Creative Commons Attribution-ShareAlike 4.0 License.
