نامۀ دِوُم وَ کِلیسِی قُرَنتُس 3
3
خِذمَتکارَل عهدِ جدید
1مَه یِه دَفدَه شروع ایکِنیم وَ تعریف کِردَن وَ خِمون؟ یا ایما هَم مِی یِهپارهای، اِتیاج داریم وَتون معرفینامَه بِئیم، یا وَ طرفِ ایشا معرفینامهای داشتَه بِیم؟ 2ایشا خِتون معرفینامۀ ایمایِیت، نِوشتَه وَ ری دِلِمون که هَمَه ایتَرِن وِه نَه بِخونِن وِ بِفَمِن. 3وِ ایشا نِشون ایئیت که نامۀ مسیح یِیت که وَ وسیلۀ ایما وَتون رَسییِه، نوشتهای نَه بِی جوهر، بلکم بِی روحِ خِدِی زِندَه، نَه وَ ری تَختَهبَردَل، بلکم وَ ری تختۀ دِلَلِ بشری.
4یِنِه اِطمینونی که ایما وَ واسطۀ مسیح وَ خدا داریم. 5نَه یِکه خِمون لایق بِیم تا چیئی نَه بِنیم وَ حسابِ خِمون، بلکم لایق بییَنِ ایما وَ خدایَه، 6که ایما نَه لایق کِردِه که خِذمَتکارَلِ عهدِ جدید بِیم - عهدی که وَ ری کارِ روحِ خدا پاوَرجایَه، نَه وَ ری نوشتَه. سییِکِه «نوشتَه» ایکِشِه، امّا روحِ خدا حیات ایبَخشِه.
جلالِ عهدِ جدید
7ایسو، اَر خذمتی که تَهِش مرگِه، نوشتهای واکَندَه وَ ری بَرد، بِی اوطو جلالی اومَه که بنیاسرائیل نیتَرِسِن وَ خاطرِ جلالِش سِیلَ موسی کِنِن، هَرچَن او جلال در حالِ تَموم وابییَن بی، 8مَه خذمتی که وَ واسطۀ روحِ خدایَه جلالِ بیشتری نَیارِه؟ 9سییِکِه اَر خذمتی که تَهِش محکومیتِه بِی جلال بی، چِقَه بیشتَر خذمتی که تَهِش صالحی یَه پُرتاپِرِ جلالِه. 10وَراسی اوچیئی که زمونی پُرجلال بی، ایسو، مِنِه قیاس بِی ای جلالِ بالاتَر، دَ رَنگی نَیارِه. 11سییِکِه اَر اوچیئی که وَ بِین ایرَت بِی جلال اومَه، چِقَه بیشتَر اوچیئی که پاوَرجایَه جلال دارِه.
12وَ وُچِه که ایطو اِمیدی داریم، بِی دلِ جرأت گَپ ایزَنیم؛ 13نَه مِی موسی که نِقابی وَ ری خُوش کَشی تا بنیاسرائیل عاقبتِ اوچیئی نَه که در حالِ تَموم وابییَن بی، نَبینِن. 14امّا عقلِشون کور وابی. سییِکِه تا وَ اُمرو هَمو نِقاب وَ موقِی خُوندَنِ عهدِ عتیق هِسیش وِ وَگِرُتَه نَوابییِه، سییِکِه تِنا مِنِه مسیح وَگِرُتَه ایابو. 15بَله، تا وَ اُمرو، موقِی که توراتِ موسی نَه ایخونِن، نِقابی وَ ری دلِشونِه؛ 16امّا موقِی که ری ایارِن وَ خداوند، نِقاب وَگِرُتَه ایابو. 17ایسو، خداوند روحِه، وِ هر جا روحِ خداوند بو، وُچِه آزادی یَه. 18وِ تَمومِ ایما بِی ریِ بینِقاب، جلالِ خداوندَ داریم، هَموطو که مِنِه اِینَهای سِیل ایکِنیم، وَ هَمو شکل، وَ جلال وَ جلالی بالاتَر عوض ایابِیم؛ وِ یِه وَ خداوند سرچشمَه ایگِرِه که روحِه.
Markert nå:
نامۀ دِوُم وَ کِلیسِی قُرَنتُس 3: SLB
Marker
Kopier
Sammenlign
Del
Vil du ha høydepunktene lagret på alle enhetene dine? Registrer deg eller logg på
@ 2024 Korpu Company