نامَه اوّل تِسالونیکِنیا 1
1
1از طرف پولُس، سیلاس و تیموتائوس،
اُ کلیسای شهر تِسالونیکی که تِی خدای با و خداوند عیسی مسیح هِت:
فیض و صلح و سلامتی خاد شما بِه.
نَمونَه بُدَئِه ایمون تِسالونیکِنیا
2اَما همیشَه خدائا وَخاطر هَمَهِ شما شکر اَکنِم و تیپَستا تِی دعائیامو از شما یاد اَکنِم، 3و کَرتو که از ایمونِه و زحمتتو که از محبتِه و پایداری و تحملتو که از امید اُ خداوندمو عیسی مسیحِه، تِی حضور خدا، بای آسِمونیمو اُ یاد اَدارِم.
4اَسِی که اَی کاکَیّا، عزیزِی خدا، اَما اَدانِم که آنا انتخاب اُشکِردِستی. 5اَسِی که انجیلی که اَما اعلام مُکِه فَکَط وَ حرف اُ شما نِرَسی، بلکه هَمینا هم تِی کُدرت و تِی روح کدّوس خدا و وَ اطمینان کامل اُ شما رَسی. شما اَدانی که اَما وَخاطر شما چینا بینتو رفتار مُکِه. 6و شما از اَما و از خداوند اُلگو تُگِرِت، اَسِی که تِی مصیبتِی زیاد، کلوم خدائا وَ خارامِنی که از روح کدّوس خدائِه کَبول تُکِه. 7پَ اینا شما اَسِی هَمَهِ ایموندارِی منطکَهئِی مقدونیَه و اَخائیَه یَک نَمونَه بُدی، 8اَسِی که کلوم خداوند از طرف شما نِه فَکَط تِی مقدونیَه و اَخائیَه پَخش بُدِ، بلکه ایمون شما اُ خدا مَجا سِرِ زابُنیائِه، اوناکِه دِگَه نیازی نی اَما چِی بِگائِم. 9اَسِی که آنایا خوشو تعریف اَکنِت که چینا شما وَ لوی خَش اُ اَما کَبول تُکِه، و اِکِه چینا از بُتیا دست تُکَشی، و اُ طرف خدا آگِشتی، تا اُ خدای زندَه و حکیکی خدمت بِکنی، 10و تا منتظر اُندَهِ پُس خدا از آسِمو بی، مِکِه خدا از مُردَیّا زندَه شاکِه، یعنی عیسی، که اُ اَما از خشمی که مُن جلووِ، آزاد اَکو.
Markert nå:
نامَه اوّل تِسالونیکِنیا 1: LAB
Marker
Del
Sammenlign
Kopier
Vil du ha høydepunktene lagret på alle enhetene dine? Registrer deg eller logg på
@ 2024 Korpu Company