Revelation 22
22
1ထို့နောက် နတ်ဒေဝါသည် ကျောက်သလင်းကဲ့သို့ကြည်လင်သည့် အသက်ရေစီးသောမြစ်ကို ကျွန်ုပ်အားပြ၏။ ထိုမြစ်သည် ဘုရားရှင်နှင့် သိုးသငယ်တော်၏ ရာဇပလ္လင်မှစီးထွက်၍ 2မြို့၏လမ်းမကြီးအလယ်သို့ စီးဆင်း၏။ မြစ်တစ်ဖက်တစ်ချက်၌ အသီးဆယ့်နှစ်မျိုးဖြင့် လစဉ်အသီးသီးသော အသက်ပင်ရှိ၏။ ထိုအပင်၏အရွက်တို့မှာ လူအပေါင်းတို့၏ အနာရောဂါကို ကျန်းမာစေရန်အတွက်ဖြစ်၏။ 3ဘုရားရှင်၏ ပြစ်ဒဏ်စီရင်ခြင်းကို ခံထိုက်သည့်အရာ ထိုမြို့၌ရှိလိမ့်မည်မဟုတ်။ ဘုရားရှင်နှင့် သိုးသငယ်တော်၏ ရာဇပလ္လင်သည် ထိုမြို့တွင်ရှိပြီး ကိုယ်တော်၏ အစေခံတို့သည် ကိုယ်တော်ကို ဝတ်ပြုကြလိမ့်မည်။ 4သူတို့သည် ကိုယ်တော်၏မျက်နာတော်ကို ဖူးမြင်ရလိမ့်မည်။ သူတို့၏ နဖူးပေါ်တွင် ကိုယ်တော်၏ နာမတော်ကို ရေးထားလျှက်ရှိလိမ့်မည်။ 5ညဟူ၍ရှိတော့မည်မဟုတ် ဘုရားရှင်သည် အလင်းကိုပေးတော်မူမည်ဖြစ်၍ သူတို့သည် ဆီမီး၏ အလင်းနှင့် နေ၏အလင်းကို လိုအပ်တော့မည်မဟုတ်။ သူတို့သည် အစဉ်ထာဝရအုပ်စိုးကြလိမ့်မည်။ 6နတ်ဒေဝါက “ဤစကားတို့သည် သစ္စာစကား၊ မှန်သောစကားဖြစ်၏။ အရိယာသူတော်စင်တို့၏ ဝိဉာာဉ်များကို လှုံ့ဆောတော်မူသောအရှင် ဘုရားရှင်သည် မကြာမီဖြစ်ပျက်ရမည့်အရာများကို မိမိအစေခံတို့အား ပြသရန် မိမိ၏ နတ်ဒေဝါကို စေလွှတ်တော်မူ၏” ဟု ကျွန်ုပ်အားဆို၏။ 7ကိုယ်တော်ယေရှုက “ကြည့်ရှု့လော့။ ငါသည်မကြာမီလာမည်။ ဤစာစောင်၌ ရေးထားသော ကြိုတင်ဟောပြောချက်များကို လိုက်နာသောသူသည် မင်္ဂးလာရှိ၏” ဟုမိန့်တော်မူ၏။ 8ကျွန်ုပ်ယောဟန်သည် ဤအကြောင်းအရာများကို မြင်ရကြားရသောသူဖြစ်၏။ ထိုအကြောင်းအရာများကို မြင်ရကြားရသောအခါ ၎င်းတို့ကို ကျွန်ုပ်အား ပြသသော နတ်ဒေဝါကိုရှိခိုးရန် သူ၏ခြေရင်း၌ ဒူးထောက်ရှိခိုး၏။ 9သို့သော် ထိုနတ်ဒေဝါက “ထိုသို့မပြုနှင့်။ ငါသည်သင်မှစ၍ သင်၏ညီအစ်ကိုပရောဖက်တို့နှင့် ဤစာစောင်ကို လိုက်နာသောသူအားလုံး၏ လုပ်ဖေါ်ဆောင်ဖက်များသာဖြစ်၏။ ဘုရားရှင်ကိုသာ ရှိခိုးလော့” ဟုဆိုလေ၏။ 10တစ်ဖန် ထိုနတ်ဒေဝါက “အချိန်နီးကပ်လာသောကြောင့် ဤစာစောင်ထဲမှ ကြိုတင်ဟောပြောချက်များကို မျှဝေလော့။ လျှိုဝှက်၍မထားနှင့်။ 11မတရားမှုပြုသောသူက ဆက်၍ပြုပါစေ။ ညစ်ညမ်းသောသူက ဆက်၍ညစ်ညမ်းပါစေ။ ဖြောင့်မတ်သောသူက ဆက်၍ ဖြောင့်မတ်ပါစေ။ မြင့်မြတ်သောသူတို့သည်လည်း ဆက်၍ မြင့်မြတ်ပါစေ” ဟု ကျွန်ုပ်အားပြော၏။ 12ကိုယ်တော်ယေရှုက “နားထောင်ကြလော့။ ငါသည် မကြာမီကြွလာမည်။ ငါသည် ဆုလာဘ်နှင့်ပြစ်ဒဏ်ကို ယူဆောင်လာပြီး လူအသီးသီးတို့အား မိမိတို့ကိုယ်ကျင့်တရားအတိုင်း ပေးအပ်ရန်ဆုလက်ဆောင်ကို ယူလာမည်။ 13ငါသည် အာလဖာနှင့် အိုမီဂါ၊ အစဦးဆုံးသောသူနှင့် နောက်ဆုံးသောသူ၊ အစနှင့်အဆုံးဖြစ်၏။ 14မိမိ၏ဝတ်ရုံသဖွယ်ဖြစ်သော အကျင့်သီလများကို ဖြူစင်သန့်ရှင်းအောင် လျှော်ဖွတ်သောသူတို့သည် မင်္ဂလာရှိကြ၏။ ထိုသူတို့သည် မြို့တံခါးများမှ မြို့ထဲသို့ဝင်၍ အသက်ပင်၏ အသီးကို စားခွင့်ရလိမ့်မည်။ 15မြို့ပြင်တွင်မူ ခွေးကဲ့သို့ဆိုးယုတ်သောသူများ၊ ပြုစားတတ်သူများ၊ တရားနှင့်မညီသော ကာမဂုဏ်ကို ခံစားသူများ၊ လူ့အသက်သတ်သူများ ရုပ်တုကိုးကွယ်သူများ လိမ်လည်ခြင်းကို ကျင့်သုံးသောသူအပေါင်းတို့ရှိ၏။ 16ငါယေရှုသည် အသင်းတော်များ၌ရှိသော သင်တို့အား ဤအကြောင်းအရာများကို သက်သေခံရန်ငါ၏နတ်ဒေဝါများကို စေလွှတ်ထား၏။ ငါသည် ဒါဝိဒ်၏အမြစ်၊ ဒါဝိဒ်၏အနွယ်ဝင်ဖြစ်၏။ ထွန်းလင်းတောက်ပနေသော မိုးသောက်ကြယ်လည်းဖြစ်၏” ဟုမိန့်တော်မူ၏။ 17ဉာဏ်အလင်းတော်နှင့် မင်္ဂလာဆောင်သတို့သမီးတို့က “ကြွလာတော်မူပါ” ဟုဆိုကြ၏။ ထိုသို့ဆိုသည်ကို ကြားသောသူမှန်သမျှသည်လည်း “ကြွလာတော်မူပါ” ဟုဆိုကြပါစေ။ ရေငတ်သောသူသည် လာပါစေ။ အလိုရှိသောသူသည် အသက်ရေကို အခမဲ့ယူပါစေ။ 18ဤအသက်စာစောင်၌ပါသော ကြိုတင်ဟောပြောချက်များကို ကြားနာရသူတိုင်းအား ငါယောဟန်သည်သတိပေး၏။ မည်သူမဆို ဤစာစောင်တွင် တစ်စုံတစ်ရာ ထပ်လောင်းဖြည့်စွက်ပါက ဘုရားရှင်သည် ဤစာစောင်ပါ ပြစ်ဒဏ်များကို ထိုသူအပေါ် ကျရောက်စေတော်မူမည်။ 19မည်သူမဆို ဤစာစောင်၌ပါသော ပရောဖက်ပြုဟောပြောချက်များထဲမှ တစ်စုံတစ်ရာကို နုတ်ပယ်ပါက ဤစာစောင်၌ ဖေါ်ပြထားသော အသက်ပင်၏အသီးကို စားခွင့်နှင့် မြင့်မြတ်သောမြို့တော်သို့ ဝင်ခွင့်ကို ဘုရားရှင်သည် ထိုသူတို့ထံမှ နုတ်ပယ်တော်မူလိမ့်မည်။ 20ဤအကြောင်းအရာများကို သက်သေခံတော်မူသော အရှင်က “ဧကန်အမှန်ပင် ငါသည် မကြာမီလာမည်” ဟုမိန့်တော်မူ၏။အာမင်။ ကိုယ်တော်ယေရှု ကြွလာတော်မူပါ။ 21ကိုယ်တော်ယေရှု၏ကျေးဇူးတော်သည် ယုံကြည်သူများအပေါ် သက်ရောက်ပါစေသော်။ အာမင်။
Markert nå:
Revelation 22: TPV-RV
Marker
Del
Sammenlign
Kopier
Vil du ha høydepunktene lagret på alle enhetene dine? Registrer deg eller logg på
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
