Psalms 148
148
1ဘုရားရှင်အားချီးမွမ်းလော့။ ရွှေမြို့တော်၌ရှိသော ဘုရားရှင်ကို ချီးမွမ်းကြလော့။ အရှင်ကို မြင့်မြတ်သောအရပ်၌ ချီးမွမ်းကြလော့။ 2အရှင်၏နတ်ဒေဝါအပေါင်းတို့၊ အရှင်ကို ချီးမွမ်းကြလော့။ အရှင်၏နတ်ဒေဝါအပေါင်းတို့၊ အရှင်ကို ချီးမွမ်းကြလော့။ 3နေနှင့်လတို့၊ အရှင်ကိုချီးမွမ်းကြလော့။ တောက်ပသော ကြယ်အပေါင်းတို့ အရှင်ကိုချီးမွမ်းကြလော့။ 4အမြင့်ဆုံးသော ရွှေမြို့တော်နှင့် ကောင်းကင်အထက်မှရေများတို့၊ အရှင်ကို ချီးမွမ်းကြလော့။ 5ထိုအရာတို့သည် ဘုရားရှင်၏အမိန့်တော်ဖြင့် ဖန်ဆင်းခြင်းခံရသည်ဖြစ်၍ အရှင်၏နာမတော်ကိုချီးမွမ်းကြပါစေ။ 6အရှင်သည် ထိုအရာတို့ကို ကာလအစဉ်အဆက်တည်စေ၍ မပျောက်ပျက်နိုင်သော ပြဌာန်းချက်ကို ပေးတော်မူ၏။ 7ရေသတ္တဝါကြီးများနှင့် နက်ရှိုင်းရာအရပ်ရှိသမျှ၊ 8မီးနှင့် မိုးသီး၊ နှင်းပွင့်နှင့်မြူခိုး၊ အရှင်၏အမိန့်တော်အတိုင်း လုပ်ဆောင်သော လေမုန်တိုင်း၊ 9တောင်များနှင့် တောင်ကုန်းရှိသမျှ၊ သီးစားပင်နှင့် သစ်ကတိုးပင်ရှိမျှ၊ 10တောရိုင်းတိရစ္ဆာန်နှင့် ယဉ်ပါးသောတိရစ္ဆာန်ရှိသမျှ၊ တွားသွားသောတိရစ္ဆာန်များနှင့် ပျံသန်းတတ်သောငှက်၊ 11ကမ္ဘာမြေကြီးပေါ်ရှိ ရှင်ဘုရင်များနှင့် လူမျိုးရှိသမျှ၊ အကြီးအကဲများနှင့် ကမ္ဘာမြေကြီးပေါ်ရှိစီရင်အုပ်ချုပ်သူရှိသမျှ၊ 12လူပျိုများနှင့် အပျိုများ၊ အသက်ကြီးသောသူများနှင့် ကလေးသူငယ်များတို့၊ ဘုရားရှင်ကို ကမ္ဘာမြေကြီးပေါ်မှ ချီးမွမ်းကြလော့။ 13အရှင်၏နာမတော်တစ်ပါးတည်းသာ ချီးမြှောက်ခြင်းခံရ၍ အရှင်၏ဘုန်းကျက်သရေသည် မြေကြီးနှင့် ရွှေမြို့တော်အထက်၌ရှိတော်မူသောကြောင့် သူတို့သည် ဘုရားရှင်၏နာမတော်ကို ချီးမွမ်းကြပါစေ။ 14အရှင်သည် မိမိ၏လူမျိုးတော်အတွက် ဦးချိုကို ချီးမြှောက်တော်မူ၏။ ထိုအရာသည် မိမိ၏သစ္စာစောင့်သိသောသူအားလုံးအတွက် မိမိအနီးတွင်ရှိသည့် လူမျိုးတည်းဟူသော အစ္စရေးအမျိုးသားတို့အတွက်ချီးမွမ်းရာဖြစ်၏။ ဘုရားရှင်အား ချီးမွမ်းလော့။
Markert nå:
Psalms 148: TPV-RV
Marker
Del
Sammenlign
Kopier
Vil du ha høydepunktene lagret på alle enhetene dine? Registrer deg eller logg på
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.