1 Corinthians 16
16
1ယခုဘုရားရှင်၏လူများအတွက် အလှူငွေကောက်ခံခြင်းအကြောင်းကိုပြောပါမည်။ ဂလာတိပြည်ရှိ အသင်းတော်အား အကျွန်ုပ်လမ်းညွှန်ထားသည့်အတိုင်းသင်တို့လိုက်နာကြလော့။ 2အကျွန်ုပ်ရောက်လာသောအခါအလှူငွေကောက်ခံဖို့မလိုအပ်စေရန် တနင်္ဂနွေနေ့တိုင်းသင်တို့၏ဝင်ငွေများထဲမှ အချို့ကိုစုဆောင်းထားကြလော့။ 3အကျွန်ုပ်ရောက်လာသောအခါ၊ မိတ်ဆက်စာအားသင်တို့ရွေးချယ်သောသူများကိုပေးပြီး သင်တို့၏အလှူငွေနှင့် အတူ ဂျေရုဆလင်မြို့သို့စေလွှတ်မည်။ 4သို့မဟုတ် အကျွန်ုပ်ကိုယ်တိုင်သွားသင့်လျှင်လည်း သူတို့နှင့်အတူအကျွန်ုပ်လိုက်သွားမည်ဖြစ်သည်။ 5အကျွန်ုပ်သည်မာကေဒေါနိပြည်ဖြတ်သန်းသွားပြီးနောက် သင်တို့ထံလာခဲ့မည်ဖြစ်သည်။ 6အကျွန်ုပ်သည်သင်တို့နှင့်အတူအချိန်အနည်းငယ်သာနေကောင်းနေမည်။ သို့မဟုတ် ဆောင်းတွင်းတစ်တွင်းလုံးလည်းနေကောင်းနေမည်။ ထို့နောက် အကျွန်ုပ်သွားလိုသောအရပ်သို့သွားနိုင်ရန် သင်တို့ကူညီနိုင်လိမ့်မည်ဖြစ်သည်။ 7အကျွန်ုပ်သည် သင်တို့ထံ ခေတ္တတည်းခိုရုံမျှဖြင့်မလာလိုပါ။ ဘုရားရှင်အခွင့်ပေးတော်မူသည့်အချိန်အထိ သင်တို့နှင့်နိုင်ရန်အကျွန်ုပ်မျှော်လင့်ပါသည်။ 8သို့သော် ပင်တေကုတ္တေပွဲနေ့တိုင်သည်အထိ ဧဖက်မြို့တွင်အကျွန်ုပ်နေရမည်ဖြစ်သည်။ 9ထိုမြို့၌အကျွန်ုပ်အားဆန့်ကျင်သောသူများစွာရှိသော်လည်း အမှုတော်ကိုကောင်းမွန်စွာထမ်းဆောင်နိုင်သော အခွင့်အရေးတံခါးကြီးသည် အကျွန်ုပ်အတွက်ပွင့်လျက်ရှိသည်။ 10တိမောသေ သင်တို့ဆီသို့ရောက်လာလျှင် သင်တို့နှင့်အတူတူရှိနေစဉ်သူ့အားစိုးရိမ်မှုမဖြစ်ပါစေနှင့်။ သူသည်လည်း အကျွန်ုပ်ကဲ့သို့ပင် ဘုရားအမှုတော်ထမ်းရွက်နေသောသူဖြစ်သည်။ 11ထိုကြောင့် မည်သူမျှ သူ့ကိုမထီမဲ့မြင်မပြုစေနှင့်။ သူသည် အကျွန်ုပ်ထံသို့ပြန်လာနိုင်ရန်အတွက် သူ့အားစိတ်အေးချမ်းသာစွာပြန်လွှတ်ကြလော့။ အကျွန်ုပ်သည် သူအားသူ၏ညီအစ်ကိုများနှင့်အတူရောက်ရှိလာ မည်ကိုစောင့်မျှော်နေမည်ဖြစ်သည်။ 12ယခုအကျွန်ုပ်၏ညီအာပေါလုအကြောင်းကိုပြောပါမည်။ အကျွန်ုပ်သည်သူ့အား အခြားသောညီအစ်ကိုများ နှင့်အတူ သင်တို့ထံသွားရောက်လည်ပါတ်ရန် အလေးအနက်တိုက်တွန်းခဲ့သည်။ သို့သော်သူသည်ယခုလာရန် ဆန္ဒမရှိသေးပေ။ သို့သော် အခွင်းအရေးရသည်နှင့် သူသည်သင်တို့ထံလာလိမ့်မည်။ 13သတိဝီရိယရှိကြလော့။ ယုံကြည်ခြင်းတွင်ခိုင်မာစွာရပ်တည်ကြလော့။ သတ္တိရှိကြလော့။ အားတင်းထားကြ လော့။ 14သင်တို့လုပ်ဆောင်သော အရာခပ်သိမ်းကို ချစ်ခြင်းမေတ္တာဖြင့်လုပ်ဆောင်ကြလော့။ 15အကျွန်ုပ်တို့၏ညီအစ်ကိုမောင်နှမတို့၊ သတေဖန်၏အိမ်သူအိမ်သားတို့သည် အခါယပြည်တွင် ပထမဦးဆုံးသော ယုံကြည်သူများဖြစ်ကြပြီး ယုံကြည်သူများအားကူညီရန် သူတို့သည် ဆက်လျက်၍ကြိုးစားဆောင်ရွက်လျက် ရှိကြသည်။ အကျွန်ုပ်၏ညီအစ်ကိုမောင်နှမတို့၊ သင်တို့အား အကျွန်ုပ်အားပေးနေပါသည်။ 16ထိုကဲ့သို့သော သူတို့နှင့်ပူးပေါင်းပြီး အမှုတော်အားထမ်းရွက်နေသောသူအားလုံးနှင့်လည်းအတူပူးပေါင်းကာ အမှုတော်ကိုကြိုးစားဆောင်ရွက်ကြလော့။ 17သတေဖန်၊ ဖော်တုနတ်နှင့် အခါယကုတို့ ရောက်လာကြသောကြောင့် အကျွန်ုပ်ဝမ်းမြောက်ရပါသည်။ 18အဘယ်ကြောင့်ဆိုသော် သူတို့သည် အကျွန်ုပ်၏စိတ်နှင့် သင်တို့၏စိတ်ကိုပါရွှင်လန်းစေသောကြောင့်ဖြစ် သည်။ ထိုကဲ့သို့သောသူများကိုအသိအမှတ်ပြုကြလော့။ 19အာရှပြည်ရှိ အသင်းတော်များသည်လည်း သင်တို့ကိုနှုတ်ဆက်လိုက်ပါသည်။ အာကုလ၊ ပြစ်ကိလနှင့် သူတို့၏အိမ်တွင် စုဝေးနေကြသောအသင်းဝင်တို့သည်လည်း အရှင့်၏နာမတော်ဖြင့်သင်တို့အားနွေးထွေးစွာ နှုတ်ဆက်ကြပါသည်။ 20ဤအရပ်၌ရှိသောညီအစ်ကိုမောင်နှမအပေါင်းတို့သည်လည်း သင်တို့ကိုနှုတ်ဆက်လိုက်ပါသည်။ အချင်းချင်း တစ်ယောက်ကိုတစ်ယောက် သန့်ရှင်းသောအနမ်းဖြင့်နှုတ်ဆက်ကြလော့။ 21အကျွန်ုပ်ပေါလုသည်လည်း နှုတ်ဆက်စကားကို မိမိ၏လက်နှင့်ရေးလိုက်ပါသည်။ 22မည်သူမဆိုအရှင်ကိုချစ်မြတ်နိုးမှုမရှိလျှင် ဘုရားရှင်၏ကျိန်စာသင့်ပါစေသတည်း။ 23အရှင်အမြန်ဆုံးကြွလာတော်မူပါစေ။ 24အရှင်ယေရှုခရစ်တော်၏ ချစ်ခြင်းမေတ္တာသည် သင်တို့နှင့်အတူရှိပါစေသော်။
Markert nå:
1 Corinthians 16: TPV-RV
Marker
Del
Sammenlign
Kopier
Vil du ha høydepunktene lagret på alle enhetene dine? Registrer deg eller logg på
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.