रोमियो परिचै
परिचै
जौ रोमियो की चिट्ठी पौलुस नै 54-58 ईस्बी मै लिखी ही। जौ चिट्ठी रोम मै रैहनै बारे और ईसु मसी कै माननै बारे यहूदी और गैर यहूदी लोगौ के ताँई लिखी गई है। अबी तक पौलुस नै रोम की यातरा ना करी ही, बानै जौ चिट्ठी कुरन्थ सैहर सै लिखी ही। जौ चिट्ठी इसताँई लिखी गई कै सैरे लोग ईसु मसी के ऊपर बिसवास करैं 16:26।
जा चिट्ठी मै पौलुस जौ बताबै है कै ईसु मसी के दुआरा हमकै कैसे मुक्ति मिल सकै है। जा चिट्ठी की खास बात जौ है कै, “मैं अच्छी खबर सै ना सरमाबौ हौं, कैसेकै अच्छी खबर मुक्ति पानै के ताँई, जो उसके ऊपर बिसवास करैं हैं, उन सबके ताँई परमेसर की तागत है पैले यहूदी के ताँई फिर यूनानी के ताँई” 1:16।
जा चिट्ठी कै दो हिस्सा मै बाँट सकै हैं, अध्याय 1:1—11:36 तक पैलो हिस्सा और 12:1—16:27 तक दूसरो हिस्सा है। पैले हिस्सा मै भौत गैहरी धारमिक बात बताई गई हैं, और दूसरे हिस्सा मै मसी जिन्दगी कैसी जीनी है बाके बारे मै बताओ गओ है।
रूपरेखा
का बिसवास कन्नो है?
परिचै और खास बात 1:1–17
आदमिऔ की हालत 1:18—3:20
ईसु मसी के दुआरा मुक्ति 3:21—4:25
पाप सै छुटकारो 5:1—8:39
ईसराइल की पैले की, आज की, और आनै बारी बात 9:1—11:36
बिसवासिऔ को बरताब कैसो होनो चँईऐ?
बिसवासिऔ को चाल-चलन 12:1—15:13
आखरी सुबकामनाए 16:1–27
Markert nå:
रोमियो परिचै: TKB
Marker
Kopier
Sammenlign
Del
Vil du ha høydepunktene lagret på alle enhetene dine? Registrer deg eller logg på
New Life Compute Institute [NLCI] - CC BY-NC-ND 4.0