الأمثال 1
1
الهدف و الموضوع
1هدي هي أمثال سليمان ولد دَاوُود ملك إسرائيل، 2حق تعليم الحِكّمة و الفِهم، و فهم معاني أقوال الحُكماء. 3و للتشجيع على قبول التأديب الحَكيم، و البِر و العدل و الأمانة. 4عشان الناس البسيطة تحصل على الفطنة، و الشباب يحصلوا على علم و حكمة. 5يسمعها الحَكيم و تزيد حكمته، و يتبعها الفَطين و تزيد مهارته 6في فهم الأمثال و المعاني البليغة و كلام الحُكماء و قصصهم و ألغازهم. 7مخافة الرب هي أساس كل معرفة، لكن السّفيه يستخف بالحِكمة و الأدب.
تمهيد: التشّجيع على الحِكّمة و السعي وراها
التحدير من الغواية
8إسمع يا ولدي لنصايح أبوك ولا تترك تعليم أمك. 9لأنها تاج النعمة إلا تلبسه على راسك، و قلادة تحطها على رقبتك.
10يا ولدي إدا حاولوا الخاطين يغوّوك لا تسمح ليهم. 11لو قالوا لك: «تعال ويانا خلنا نتخوى بالناس عشان نسفك دم أو ننوي الشر لواحد بريء و نقتله بدون سبب. 12أو قالوا لك: تعال ويانا عشان ناكلهم و هم حيين زي القبر، و هم بصحتهم زي إلا طاحوا في حفرة الموت 13عشان أملاكهم تصير غنايم لينا و نترس بيوتنا بإلا بقناه منهم. 14أربط مصيرك بمصيرنا وخلك ويانا، عشان نتقاسم الغنايم بالنص.» 15إدا قالوا لك هالكلام فلا تمشي يا ولدي في طريقهم، و رجولك لا تعتِّب في طريقهم. 16لأن رجايلهم تركض في طريق الشر، و هم متعطشين عشان يسفكوا الدمّ. 17إدا حطّيت شبكة صيد قدام الطّيور ما بتصيد شي. 18لأن هالناس منخشين عشان يسفكوا دمهم، و حيلتهم سبب في هلاكهم. 19هدي هي نهاية كل من يستانس بظلّم الناس، لأن فلوس الحرام تجيب أجل صاحبها.
التحدير من رفض الحِكّمة
20الحِكّمة قاعدة تنادي برّة، و في الأسواق ترفع صوتها. 21و عند مفارق الطرق الزحّمة تنادي، و عند مداخل بوابات المدينة تقول: 22«إلى متى تبقوا يا الجاهلين يا تحبّوا الجَهّل، وأنتون إلا تتمسخروا فرحانين بالمسخرة، وانتون يا سفيهين كارهين للتعليم؟ 23إدا تبتوا بعد تأديبي ليكم، بصبّ عليكم روحي و أعلّمكم كلامي. 24و لكن إدا تكبرتوا على دعوتي ليكم، و رفضتوا إيدي الممدودة ليكم، 25و حقرتوا كل نصايحي و ما قبلتوا تأديبي، 26أنا بعد بضحك لما تنزل عليكم المصايب، و أشمت فيكم لما تحل عليكم البلاوي. 27و لما تجيكم البلّاوي زي العاصفة، و تحل عليكم المصايب زي العاصفة، و لما الضّيق و الشدّة يقهروكم، 28وقتها تترجوني و ما أستجيب ليكم، و تتوسلوا ليي و ما تلقوني. 29لأنهم كرهوا التعّليم و ما إختاروا مخافة الرب، 30و رفضوا نصايحي و مشورتي، و استخفوا بتأديبي. 31عشان چدي مكتوب عليهم إنهم ياكلوا من ثمرسواياهم المُّرة، و يشبّعوا من نتايج مؤامراتهم، 32لأن ضلال السفيهين يقتلهم، و تساهل الأغبياء يهلكهم. 33لكن إلا يسمع كلامي بعيش آمن متطمن ما عليه خوف ولا يقرِّب منه الشر.»
Markert nå:
الأمثال 1: QNAV
Marker
Kopier
Sammenlign
Del
Vil du ha høydepunktene lagret på alle enhetene dine? Registrer deg eller logg på
Qatifi New Arabic Version © 2024 Strategic Resource Group