Hosea 3
3
Isaraeli pinokogagi beineno ka ta tepidi
3:1-5
1Mepau Iramo i Ue ndi ongkue, ”Lakomo mbo'u, pekokonoomo beine anu hinao pinehohawano ka ineheno monsosabo, kana mbo'u Ondae i Ue mehohawa ira to Isaraeli, maupo dompewolili a luwuno pinesombai susua ka ineheno kukisi kisimisi pesomba kaanga.” 2Ka ku'amba umowahio olino hopulu ka olima sikala salaka hadiono, saru asa homeri ka asa leteki jelai. 3Ka ku'amba motaeakono, ”Omue asalakono mo'ia tehine ndi ongkue. Si pebelesu ke gagi tiano asa tama. Nahi Aku mbo'u mewowaliakomu.” 4Hangano to Isaraeli ta tehine domentuwu nahina mokole, nahina petewawa, nahina pesomba, nahina tugu lahumoa, nahina epo ka terapimi. 5Umarino atuu to Isaraeli ira mpepokule ka umungke Ira i Ue, Ue Alado, saru i Daudi mokoledo. Saru medoito ira me'aiwa ndi Ondae i Ue ka a moikoa-Do a oleo pokotompa.
Markert nå:
Hosea 3: XMZ
Marker
Kopier
Sammenlign
Del
Vil du ha høydepunktene lagret på alle enhetene dine? Registrer deg eller logg på
LAI 2021