Na Sailm 1
1
Salm 1.
Beatus vir, qui non abiit.
1Is beannaithe an fear nár shiúil ar chomhairle lucht an oilc, agus nár sheas i slí na bpeacach: nár shuigh i gcathaoir na dtarcaisneoirí.
2Ach is é dlí an Tiarna a aoibhneas: agus beidh sé ag meabhrú ar a dhlí lá agus oíche.
3Agus beidh sé mar chrann atá curtha ar bhruach an uisce: a thabharfaidh a thoradh go tráthúil.
4Ní chríonfaidh a dhuilleog: agus féach, níl ní dá ndéanfaidh sé nach mbeidh rath air.
5Ach i dtaobh lucht an oilc, ní hamhlaidh dóibh: bíonn siadsan mar an gcáith, a bhíonn á scaipeadh ag an ngaoth de dhroim an talaimh.
6Dá bhrí sin ní fhéadfaidh lucht an oilc seasamh sa bhreithiúnas: ná na peacaigh i gcomhthionól na bhfíréan.
7Ach is aithnid don Tiarna slí na bhfíréan: agus rachaidh a slí amú ar lucht an oilc.
Markert nå:
Na Sailm 1: OC1965
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© Cumann Gaelach na hEaglaise (Irish Guild of the Church) 1965