उत्पत्ति 14
14
लूत का बन्दी बणाया जाणा
1शिनार के राजा अम्रापेल, अर एल्लासार के राजा अर्योक, अर एलाम के राजा कदोर्लाओमेर, अर गोयीम के राजा तिदाल के दिनां म्ह इसा होया, 2के उननै सदोम नगर के राजा बेरा, अर गमोरा के राजा बिर्शा, अर अदमा के राजा शिनाब, अर सबोयीम के राजा शेमेबेर, अर बेला जो सोअर भी कुह्वावै सै, इन राजयां कै खिलाफ युद्ध छेड़ दिया। 3इन पाँचुवां नै सिद्दीम नाम की तराई म्ह, जो खारे नदी कै धोरै सै, एक्का करया। 4बारहा साल तक तो ये कदोर्लाओमेर के अधीन रहे; पर तेरहवें साल म्ह उसकै खिलाफ खड़े होगे। 5चौदहवें साल म्ह कदोर्लाओमेर, अर उसकै गैल के राजा आए, अर अश्तारोत्कनम म्ह रापाइयाँ नै, अर हाम म्ह जूजियाँ नै, अर शावे-किर्यातैम म्ह एमियाँ नै, 6अर सेईर नाम का पहाड़ म्ह होरियाँ नै, मारदे-मारदे उस एल्पारान तक जो जंगळ-बियाबान कै धोरै सै, पोहचगे। 7ओड़ै तै वे बोहड़कै एन्मिशपात तक आए, जो कादेश भी कुह्वावै सै, अर अमालेकियाँ के सारे देश नै, अर उन एमोरियां तै भी जीत लिया, जो हसासोन्तामार म्ह रहवैं थे। 8फेर सदोम, गमोरा, अदमा, सबोयीम, अर बेला, जो सोअर भी कुह्वावै सै, इनकै राजा लिकड़े, अर सिद्दीम नाम की तराई म्ह, उनकै गैल युद्ध खात्तर कतार बाँधी: 9यानिके एलाम के राजा कदोर्लाओमेर, गोयीम के राजा तिदाल, शिनार के राजा अम्रापेल, अर एल्लासार के राजा अर्योक, इन च्यारुवा कै खिलाफ उन पाँचुवां नै कतार बाँधी। 10सिद्दीम नाम की तराई म्ह जड़ै लसार माट्टी के खड्डे ए खड्डे थे; सदोम अर गमोरा के राजा भाजदे-भाजदे उन म्ह गिर पड़े, अर जो बचे वे पहाड़ पै भाजगे। 11फेर वे सदोम अर गमोरा का सारा धन अर खाण-पीण की चिज्जां नै लूट-लाट कै चले गए। 12अर अब्राम का भतीजा लूत, जो सदोम नगर म्ह रहवै था; उसनै भी धन समेत वे लेकै चले गए। 13फेर एक माणस जो भाजकै बच लिकड़या था उसनै जाकै इब्री अब्राम तै खबर दी; अब्राम तो एमोरी मम्रे, जो एशकोल अर आनेर का भाई था, उसकै बांज दरखतां कै बिचाळै म्ह रहवै था; अर ये माणस अब्राम के गैल करार करे होए थे।
अब्राम का लूत नै छुड़ाणा
14न्यू सुणकै के उसका भतीजा कैदी बणा लिया गया सै, अब्राम नै अपणे तीन सौ अठारह सीखे होए, युद्ध के माहिर दास्सां नै लेकै जो उसकै कुण्बे म्ह पैदा होए थे, अस्त्र-शस्त्र लेकै दान#14:14 दान यरुशलेम तक उनका पिच्छा करया। 15अर अपणे नौकरां के न्यारे-न्यारे टोळ बणाकै रात नै उनपै चढ़ाई करकै उन ताहीं मार दिया अर होबा तक, जो दमिश्क के उत्तर की ओड़ सै, उनका पिच्छा करया। 16अर वो सारा धन, अर अपणे भतीजे लूत, अर उसके धन नै, बिरबानियाँ नै, अर सारे कैदियाँ नै, उलटा ले आया। 17जिब वो कदोर्लाओमेर अर दुसरे राजां नै जीत कै उलटा आवै था फेर सदोम नगर का राजा शावे नाम की तराई म्ह, जो राजा की तराई भी कुह्वावै सै, उसतै मिलण खात्तर आया।
अब्राम अर मलिकिसिदक
18फेर शालेम का राजा मलिकिसिदक, जो परमप्रधान परमेसवर का याजक था, रोट्टी अर दाखमधु ले आया। 19अर उसनै अब्राम तै यो आशीर्वाद दिया, “परमप्रधान परमेसवर की ओड़ तै, जो अकास अर धरती का अधिकारी सै, तू धन्य हो। 20अर धन्य सै परमप्रधान परमेसवर, जिसनै तेरे बैरियाँ तै तेरै बस म्ह कर दिया सै।” फेर अब्राम नै उसतै सारी चिज्जां का दसमां अंश दिया। 21फेर सदोम नगर के राजा नै अब्राम तै कह्या, “प्राणियाँ नै तो मन्नै दे, अर धन नै अपणे धोरै राख।” 22अब्राम नै सदोम नगर के राजा तै कह्या, “परमप्रधान परमेसवर यहोवा, जो अकास अर धरती का माल्लिक सै, 23उसकी मै या कसम खाऊँ सूं, के जो कुछ तेरा सै उस म्ह तै ना तो मै एक सूत, अर ना जूत्ती का बन्धन, ना कोए और चीज ल्यूँगा; ताके तू इसा ना कहण पावै, के अब्राम मेरै ए कारण धनी होया। 24पर जो किमे इन जवानां नै खा लिया सै अर उनका हिस्सा जो मेरै गैल गये थे; यानिके आनेर, एशकोल, अर मम्रे मै न्ही लौटाऊँगा वे तो अपणा-अपणा हिस्सा राख ले।”
Markert nå:
उत्पत्ति 14: BGC
Marker
Kopier
Sammenlign
Del
Vil du ha høydepunktene lagret på alle enhetene dine? Registrer deg eller logg på
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
