Sam 121
121
Sam Kratrtqki-esz'-nzpnu-li-nrade-esz' (121)
Gct Aclve-zpwxle Nigu
Nabz kx nzngrnelzngr Jerusalem mz nzangiongr.
1?Myx me narmcti-ngrne kxnaokatrle ninge?
?Sa navzom mz newz ngr nrlc ka?
2Trtingr. Murde Yawe Kxrpalz kc tqwz-ngrde bongavz x drtc',
Nide txpwz kx naokatrle ninge.
3-4Da zpwx! Murde Yawe obq zvz,
X aclve-angidrle nigu lr Israel,
Mz nzapu-krgu sip nedeng.
A' tramau x trmwiu, murde ma tqtaoku.
5Yawe ngi tegu badr,
X tu-zvzm mz nibrgu,
6Murde trtxpnzngr doa x da kx na-atrkatile nigu
Mz nrlckxgrlx x mz nrlckxbq.
7Yawe arlapxle nigu mz nzkxpu-krgung amrlx,
Murde namnc-zpwxku.
8X aclve-zvzle nzvz-krgu x nzmnc-krgu,
Mzli ka x tqyc, tqyc.
Markert nå:
Sam 121: ntu
Marker
Kopier
Sammenlign
Del
Vil du ha høydepunktene lagret på alle enhetene dine? Registrer deg eller logg på
© 2008, Wycliffe Bible Translators, Inc. All rights reserved.