Salmo 13
13
I to là gfisan du ftabeng di Dwata
Ani satu lingag Dabid.
1Amugu Dwata, tan i klom fa mlifet deg?
Kel kè di landè sen?
Kel di kilen kafbayaam deg?
2Tan i klogu fa tmayud di klidù i nawagu?
Mlidù nawagu tayud duh di kafsasè i dad to dmuen deg.
3Amugu Dwata, neyem i kagkahgu na tnabengam agu;
fuléam di deg i kgalgu du fye là agu fles mati;
4du ku fles agu mati ken manla, “Tagfisanmi kenen,”
na lehew i dad mlayam deg di kagfisangu.
5Kabay smalig agu di kakdom landè kgilin,
na too agu lehew du falwaam agu kadang.
6Amugu Dwata, mlingag agu di ge du mdà di bong kafyem di deg.
Markert nå:
Salmo 13: ITD
Marker
Kopier
Sammenlign
Del
Vil du ha høydepunktene lagret på alle enhetene dine? Registrer deg eller logg på
© 2014, Wycliffe Bible Translators, Inc. All rights reserved.