Salmo 121
121
I Amuito Dwata too mifat i dad ton
Ani satu lingag i dad to salu di Bong Gumnè Dwata.
1Meye agu ditù di dad bulul,
na snalekgu i ktogu ku tanè gumdà i ktabeng deg.
2Én tmabeng deg, dunan i Amugu Dwata,
i mimò i langit na tanà.
3Laan faloh ku nun gamsasè ge,
du i mifat ge là sa kudang.
4I mifat dad bel Israél,
laan gfilot na laan gkudang.
5I Amuito Dwata i mifat ge;
mnè kenen di safédam du guflidungam.
6I duh là gamsasè ge di mduh,
ku demen i bulen di butang.
7I Amuito Dwata smafang ge mdà di kdee sasè;
kanlungan ge fye landè gaslokam.
8Kenen i mifat ge balù nè gusalum, na balù nè gumneam,
mdà ani kel di landè gusenan.
Markert nå:
Salmo 121: ITD
Marker
Kopier
Sammenlign
Del
Vil du ha høydepunktene lagret på alle enhetene dine? Registrer deg eller logg på
© 2014, Wycliffe Bible Translators, Inc. All rights reserved.