Salmo 1

I lwe dalan nalék i dad to

1Too nun kafye di to

là magin di flau dad to sasè,

na là sgalak di dad to gamsalà,

na là makuf di kadoy i dad to landè gukmamula Dwata.

2Kabay én too gaflehew kenen i flalò Amuito Dwata;

saflas mduh na butang galan fandam i flaun.

3Fye kagkahan, gambet i kayu fule mdadong di kilil i yéél

munge di bang kbungen na là mlanas i doonan.

I to gambet én, i kdee nimoan nun gukelan.

4Kabay i dad to sasè là gambet én i kagkahla,

bay gambet ale baling i afa falis i nus na lana,

5du mdà di ksasèla, di duh kukum Dwata landè kagalwà i dad to sasè di kukuman,

na là gakuf i dad to gamsalà di kastifun i dad to matlu di kanfe Dwata.

6Gadè Amuito Dwata i gumagu i dad to matlu, na nalakan ale di dalanla,

bay i dalan gumagu i dad to sasè déén di gumalmola.

Markert nå:

Salmo 1: ITD

Marker

Kopier

Sammenlign

Del

Vil du ha høydepunktene lagret på alle enhetene dine? Registrer deg eller logg på

Populære bibelvers fra
Salmo 1