Esekiel 8
8
Avgudsdyrking ved tempelet
1 # 1,3+ # 8,1 det sjette året etter at Esekiel vart ført til Babel. >1,2. Det var i det sjette året, på den femte dagen i den sjette månaden, medan eg sat heime og dei eldste i Juda sat framfor meg. Då kom Herren Guds hand over meg der. 2#1,26–28#8,2 ein mann Omsetjinga følgjer =Septuaginta. Hebr. har «ein eld». Eg såg, og sjå! – ein som likna ein mann å sjå til. Frå det som såg ut som hoftene og nedover, var det eld, og frå hoftene og oppover såg det ut som ein stråleglans, som skinande metall. 3#5 Mos 32,16.21; 2 Kong 21,7; Esek 3,14; 11,1.24#8,3 ånda >1,12. Han rette ut noko med form som ei hand og tok tak i hårluggen min. I syn frå Gud lyfte ånda meg opp mellom jord og himmel og tok meg med til Jerusalem, til porten i nord som fører inn i den indre tempelgarden. Der stod det eit bilete som gjorde Gud brennande sjalu. 4Og sjå, der var herlegdomen til Israels Gud, som i synet eg hadde sett i dalen.
5Han sa til meg: «Menneske, lyft auga mot nord!» Eg lyfte auga mot nord, og sjå! – ved inngangen, nord for altarporten, stod dette biletet som gjorde Gud sjalu. 6Han sa til meg: «Menneske, ser du alt det avskyelege israelittane held på med her? Det driv meg langt bort frå min heilagdom. Men du skal få sjå noko som er endå meir avskyeleg.»
7Så tok han meg med til porten som fører inn til føregarden i tempelet. Og sjå! – eit hol i veggen. 8Han sa til meg: «Menneske, bryt deg igjennom veggen!» Eg braut meg gjennom veggen, og sjå! – ei dør. 9Og han sa til meg: «Gå inn og sjå alt det vonde og avskyelege som dei driv med der.» 10#Rom 1,23 Eg gjekk inn. Eg såg, og sjå! – teikningar av krypdyr og kveg og alle Israels avgudar, motbydelege ting, var rissa inn overalt rundt om på veggene. 11Framfor dei stod sytti mann av dei eldste i Israels hus, og midt mellom dei Jaasanja, son til Sjafan. Kvar av dei hadde ei røykjelsesskål i handa, og ein ange steig opp frå røykjelsesskya.
12 # Sal 94,7; Jes 29,15; Esek 9,9 Då sa han: «Menneske, har du sett kva dei eldste i Israel driv med i mørkret, i romma der dei har gudebiletet sitt? Herren ser oss ikkje, seier dei, han har forlate landet. 13Men du skal få sjå endå meir avskyelege ting som dei driv med», sa han til meg.
14 # 8,14 Tammus babylonsk vegetasjonsgud som vart dyrka i Kanaan òg. Når gras og groe visna bort i tørketida, heldt dei høgtid med gråt og klage fordi guden døydde. Så tok han meg med bort til den porten som fører inn i Herrens hus på nordsida. Og sjå, der sat kvinnene og gret over Tammus. 15Då sa han til meg: «Har du sett det, menneske? Men du skal få sjå noko som er meir avskyeleg enn dette.»
16Så førte han meg til den indre føregarden i Herrens hus. Og der, attmed inngangen til Herrens tempel, mellom forhallen og altaret, stod om lag tjuefem mann med ryggen mot Herrens tempel og andletet vendt mot aust. Dei bøygde seg mot aust og tilbad sola. 17#8,17 vinranka viser kanskje til ei uakseptabel kultisk handling. Då sa han til meg: «Har du sett det, menneske? Er det ikkje nok at Judas hus driv med alt det avskyelege som dei gjer her? For dei fyller landet med vald, og slik gjer dei meg rasande. Sjå korleis dei held vinranka opp framfor nasen. 18#Ordt 1,28; Jes 1,15; 59,2 Så vil eg òg gripa inn i vreide. Eg viser inga medkjensle, eg sparer dei ikkje. Om dei ropar aldri så høgt i øyret på meg, høyrer eg ikkje på dei.»
Markert nå:
Esekiel 8: N11NN
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© 2011 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 2011 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).