Ordtaka 31

Sjette samlinga

(31,1–9)

Den gode kongen

1 # 31,1 lærdom >30,1. Ord frå kong Lemuel, lærdom mor hans gav han.

2Min son,

du son som eg bar,

min lovnads-son:

3 # 5 Mos 17,17; 1 Kong 11,4 Gjev ikkje di kraft til kvinner,

ditt liv til det som øydelegg kongar.

4 # 20,1; Fork 10,16f Det sømer seg ikkje for kongar, Lemuel,

det sømer seg ikkje for kongar å drikka vin

eller for fyrstar å trå etter sterk drikk.

5 # Jes 5,22f; 28,7 Då vil dei drikka og gløyma lovboda

og fordreia retten for alle undertrykte.

6Men gjev sterk drikk til den som går til grunne,

og vin til den som er bitter til sinns.

7Lat han drikka og gløyma sin fattigdom

så han ikkje meir hugsar si naud.

8 # Job 29,12–17; Sal 82,3f Lat opp din munn for den som ikkje sjølv kan tala,

før saka for dei som held på å bukka under.

9Lat opp din munn og døm rettferdig,

lat hjelpelause og fattige få sin rett!

Den gode kona

(31,10–31)

Alef

10 # 3,15; 18,22 # 31,10 31,10–31 er eit alfabetisk dikt, der versa tek til med dei ulike bokstavane i det hebr. alfabetet. Ei dugande kone, kven finn vel henne?

Langt meir enn perler er ho verd.

Bet

11Mannen lit på henne i sitt hjarte,

og vinning manglar han ikkje.

Gimel

12Ho gjer berre godt mot han,

ikkje noko vondt så lenge ho lever.

Dalet

13Ho skaffar seg ull og lin,

hendene arbeider med liv og lyst.

14Ho er som handelsskipa,

ho skaffar mat langt bortanfrå.

Waw

15Før det lysnar av dag, er ho oppe,

gjev huslyden mat

og set tenestejentene i arbeid.

Zajin

16Ho ser seg ut eit jordstykke og kjøper det;

for det ho har tent, plantar ho ei vinmark.

Het

17Styrke er beltet ho har om livet,

ho tek i med sterke armar.

Tet

18Ho merkar at forretningane går godt,

lampa hennar sloknar ikkje om natta.

Jod

19Ho legg hendene på rokken,

og fingrane grip om teinen.

Kaf

20 # 22,9; 28,27 Ho opnar handa for den som lid naud,

retter hendene ut til den fattige.

Lamed

21Kjem det snø, er ho ikkje redd for sine,

for alle i huset har ekstra klede.

Mem

22Ho lagar sine eigne teppe,

ho har klede av lin og purpur.

Nun

23 # 31,23 byporten >1,21. Mannen hennar er akta i byporten,

der han sit med dei eldste i landet.

Samek

24Ho lagar linklede som ho sel,

og sender belte til kjøpmannen.

Ajin

25Styrke og vørdnad er hennar klednad,

ho ler mot komande dagar.

26 # 16,23f Ho opnar munnen med visdom,

kjærleg rettleiing har ho på tunga.

Tsade

27 # 10,4; 11,16 Ho ser etter korleis det går i huset,

og et ikkje latskaps brød.

Qof

28Borna stig fram og prisar henne lukkeleg,

mannen gjev henne ros:

Resj

29«Mange kvinner har vist at dei er dugande,

men du overgår dei alle.»

Sjin

30Ynde sviktar, og venleik forgår,

men ei kvinne som fryktar Herren, skal ha ros.

Taw

31Pris henne for frukta av arbeidet hennar,

gjerningane skal gje henne ros i byens portar.

Markert nå:

Ordtaka 31: N11NN

Marker

Del

Kopier

Vil du ha høydepunktene lagret på alle enhetene dine? Registrer deg eller logg på

Lær mer om Bibelen 2011 nynorsk