1
Mi 4:12
Kotoni Imo Itouniyaimo
amm
Motu nali no. Asi asi nokoyo noinomo moloi samiyaikiyo monoi, moi no? Toiyo noinomo samiyaikiyowoi muwoi, pa tosamiyaikiyokoniso. Isisoni amiyosu na tosamiyaikiyokoni. No monoi no Kotoni auso si itouniyaimo mano monoi.” Aino na ikoki, Pita mo.
Sammenlign
Utforsk Mi 4:12
2
Mi 4:31
Imo lukaso uwai; ukouniyaiko nu mo nou nouyo komiyai umikoki. Kotoni Mulu Itouniyaimo Nokotayo totaini muluso amikaloki. Amikoki mo; Kotoni imo lukasikalokino, kokolokowoi muwoi, mulu mo ami amiso.
Utforsk Mi 4:31
3
Mi 4:29
Noko Siyoli, koini imo na pukwaimoko. Noko sisiyoliyo uo imo imokoso yasoi na kwaikoni. Na pofasimoko. Nani mi anononi noko koini muluso na pamikomomoko, nani imo lukasikalo monoi. Wonikaluso aiko kokolokomomokoi.
Utforsk Mi 4:29
4
Mi 4:11
Motu na kumokaiki, toku nokoyo. Isiso monoi noino kumoki, siyokawi imo mo, “Nu kololi noko moiyo a moki mo afoli taikiyokinuwo, piyamokinuwo, afonimai a koiyauwo. Ulai nonani a moki mo na ikaiki, sopo i a na.”
Utforsk Mi 4:11
5
Mi 4:13
Nosai no mo; ikoki mo; noko sisiyoli mo mulumoloko manokino, “Ulai moloi monoi woi? Toti mo kokolokowoi muwoi, mulu mo ami amiso. Moloi tosainono, woi? Afonimai nokota ti na, sai nokoyo aiyolokowoi muwoi.” Mulumoloko manokino mo; na mulumolokokino, “Isisowoi liyai tomasimo manokino. No monoi no.”
Utforsk Mi 4:13
6
Mi 4:32
Isisoso mulumolo luwai noko mo mulu mo tomoso. Ilolu monoi mani, wau folo muluwoi muwoi. Ilolu mo tomoso na.
Utforsk Mi 4:32