Populære bibelvers fra Marikuq 4

Del

Yesuq gi, toq mù, laìdun lé tan luî, wuìlhêng lé, “Zim aq.” ga taî kat jáng, haû laìdun nûm ló byùq luî, bànshoq zîm byùq bê nghut ri. Hau htâng, Yhang gi, Yhâng é chángzô pé lé, “Haî mù, haû í gyùq bum akô lhú? Núngmòq gi, lùmjíng myìt a bò shi kó lhú?” ga taî ri.

Yhángmòq gi, gyai yhang gyùq dan bùm kômù, “Shí yùq gi, hkâsû é byù nghut lhê lhâ? Laì eq wuìlhêng pé lháng gi, Yhâng é dang lé gyo byî rî-nhung!” ga luî, rayùq eq rayùq myî lhûm bum akô nghut ri.

Haú hkûn, Yesuq gi, lhaî htâng má uhkuq hkuq mù yhup myhî tô ri; haû chángzô pé gi, Yhang lé nhaû pun luî “Sará ê, ngá-nhúng myùp shi ló râ dùt é lé, nàng a chiq byi lhú?” ga taî akô nghut ri.

Hau htoq agó, Yhang dum taî é gi, “Núngmòq gi, wó gyô yu é hkyô lé rago myìt wú keq; núngmòq lìk byî é bung èq, núngmòq lé dum lìk byi râ nghut lhê; hau htoq lháng myo shoq wó kôrâ nghut lhê.

Hau htâng, Yhang dum xoq taî é gi, “Garai Gasâng é mîngdán gi, byù rayùq mai, myigùng má sân kat é kyôshi eq wuí ri. Byù haú yùq gi, myín lé yhup tô é nghut nghut, nyí lé toq lo é nghut nghut, kyôshi gi, zuí htoq lô mù, yùq kô lo nyi ri; nghut kôlhang, yhang gi, hkâsu kut yùq lo nyi é hkyô lé a sé nghut ri.

Gyô yù râ nohkyap dàp sû ó yùq nghut kôle, gyô yù sháng gàq.” gâ ri.