Populære bibelvers fra Yohan 10

Del

Haû hkau sû gi, hkau râ, sat râ eq lhoqhtên pyám râ matú, lé é za nghut lhê. Ngo lé é gi, yhángmòq, chyungxe wó yû râ eq byíng jùp é chyungxe lé wó yû râ matú shèq nghut lhê.

Ngò gi, ge é sau zúng sû nghut lhê; haû ge é sau zúng sû gi, sau pê é matú, yhûmsing é chyungxe lé àp byî pyâm é nghut lhê.

Ngá é sau pé gi, Ngá é htê lé dàt gyô akô; Ngò gi, yhángmòq lé sê lhê; yhángmòq le, Ngá htâng châng akô nghut ri.

Ngò gi, yhángmòq lé, ahtum abyùq é chyungxe byî é nghut mù, yhángmòq gi, hkâ-nhám le htên byòq kôrâ a nghut; ó yùq èq le, yhángmòq lé, Ngá é lòq mai wó lú yû râ a nghut.

Ngò gi, hkúmdong nghut lhê; Ngò mai wang é sû ó yùq nghut kôle, hkyi yu é hui râ nghut lhê. Haú yùq gi, htoq htoq wàng wàng wó kut râ eq mhan-yô myang hô râ nghut lhê.

Ngò gi, haû ge é sau zúng sû nghut lhê; haû Îwa gi, Ngo lé sê é nghut luî, Ngò le, haû Îwa lé sê é eq rajung za

Yhángmòq lé, Ngá é lòq má àp byî tô é sû, haû Ngá wa gi, lhúnglhâng htoq má je gyaú Sû nghut lhê; ó yùq èq le, yhángmòq lé, Ngá wâ é lòq mai wó lú yû râ a nghut. Ngò eq haû Îwa gi, rayùq za nghut lhê.” ga tû taî ri.

Ngá é sau pé lé, Ngò sê lhê; Ngá é sau pé le, Ngo lé sê akô nghut ri; Ngò gi, haû sau pê é matú, yhûmsing é chyungxe lé àp byî pyâm é nghut lhê.

Ngá é chyungxe lé, ó yùq èq le wó yu pyâm é a nghut, Ngá é myìt dông byî pyâm é ru nghut lhê. Ngò gi, yhûmsing chyungxe lé àp byî pyám râ ahko ahkáng eq haû lé dum taû yù râ ahko ahkáng wó sû nghut lhê. Haû gi, Ngá wâ chyáng mai Ngò wó yu é hkunmó nghut lhê.” gâ ri.

Haû mù, Yesuq dum taî é gi, “Ngò, núngmòq lé teng za taí kôlé, Ngò gi, haû sau pé wang é hkúmdong nghut lhê.

Haû langchyáng kut sû gi, sau pé lé sing é sau zúng sû a nghut; haû mù, yhang gi, haû wàmhkui lé lo é lé myàng jáng, sau pé lé pyâm to mù hpang ló byùq râ nghut lhê; haú hkûn, wàmhkui gi, sau hpúng lé ê htim luî, lhoqpyo pyám râ nghut lhê.

Ngò, núngmòq lé teng za taí kôlé, haû sau hkup má, hkúmdong mai a wang é za, gó hkyô dông dòq lùt wang é sû gi, hkau sû eq da-myàq nghut ri.