Populære bibelvers fra Romeni 4

Del

Ijadufuo fu fuone izege fu ma vierafemo ije fu naebe arei. Ro kuke fu Godi vua ije fu kuaraema ije fu naebe abe kufui igege vierafei. Ijadufuo fuone fu ma vierafemo ije fuka ma gikikimana remoga fu una Godi dabe aroe. Eburame fu ma vierafero Godi irere fu kuaraema ije fuka rekiro fu ijiege vierafei.

Ijadufuo maeje fune Godire isuibe e Eburamedo ijiege kuae, Aeje nane umui datevado are e boeje bu are irore igia karivo ijiebuo asoe rekono kuae. Ijadufuo Godido nidua ijia e Eburame fuje fune ma asoe nuvuone ijadufuo maeje fuka Godi ma vierafei. (Ro Godi ije fuka ma e daroki ro fure e ije oevo ije kiaga bu una urivo. Ro kuke ire boeje no giavo baki ije fure amaeriamo).

Ro Godi fu ise nuvuone no renoejo ijadufuo Jesu abena e ani ije miamo bu kanavo fu baronei. Rove Godi fu Jesu Kuraesi kuamo fu una uri. Fu ijiege una urikina Godi fu no karaunuona ke una vame fuone ma ijia unuodufuo.

Godi fu Eburame kuae, Aeje nane umui datevado are e uine uruvana tuanaga bure are irore boege iraraekono kuae. Ijadufuo e Eburame fu Godi ma vierafena maza boeje fuka vua ije Godi fu kuaraema ije vierafenoe. Eburame fune eore rove Godi fu kuae, Bara one fu ame nafega rade uifari one buka ire zuvi gufe a giamo ijiege uruvana rekono kuae. Ijadufuo Eburame fu vua ije dabe oe fuone ijia ma vierafenoe.

Ro eranebe bu Jesu ma vierafevo Godi fuka e marejiamo ijadufuo fu e ije karauniana ke vame fuone ma ijia uniamo. Ro ije fu e Jiusi ijiaru ijiege karauniamo baki ro fuka e boege erarebe Godi ma vierafevo fu ije karauniamo. Ijadufuo ni vierafe fune e Eburamere isuibe Godi ma vierafema ijadufuo erare fu iviama ijiege Godi ma vierafemo e ije fu e Eburamedo uifari.

Ro Kini Devidi vua ijadufuo maeje fu kuaema ije fu ijiege kuae, Erare fu ise remoga Godi fu gana arema e ije fuka oemaremo. Ro erado ise ije fune Godire okurae ro abe nuriema e ije fudua fuka oemaremo.

Ro bune isuibe Godido buki akae ijia isoena kuae, E Eburame fu Godi ire ma bino fu fuone rekono kuaema ije fuka dabe ma vierafei. Fu Godido vua ije ma vierafema ijadufuo Godi fu Eburame abena una vame fuone maeje ijia nujaemano kuae.