Populære bibelvers fra Mateo 8

Del

Irirori ikantaigiri: —¿Antari gara pitsarogaigi? ¡Tekya pogotasanoigero yagaveavagetira Tasorintsi! Itinaamatanakatyo inianakerora tampia ikantiro: —¡Peganaempa, intaga pitampiati! Iniiro aikiro inkaare ikantiro: —¡Maireatanae! Ogatyo okenake opeganaa tampia, ario okañotaka inkaare irorori omaireatanai.

Inianake itinkamiegi soraroegi ikanti: —Notinkami, garorokari pikiimatiro novanko, nogotaketari vinti gaveavagetatsirira. Piniimatakera intagatityo irovegantanaempa nomperane.

Iroro ikemavakerira Jeso ikantakera maika yoganaketyo kavako ikantaigiri giaigapaakeririra: —Arisanotyo nonkantasanoigakempi teratyo noneimageteri paniro Iseraerekunirira inkañotakemparira yoka iromano yogotasanotakera nagaveavagetira.

Impo ishonkashitari itinkamiegi soraroegi ikantiri: —Maika piatae pivankoku, pogotaketari nagaveakera novegaerira pomperane, maika irovegaempatyo. Iroro iniakera Jeso ogatyo ikenake yoveganaa.

Iriroegi yogavageiganaketyo kavako ikantaiganakera: —¿Tyanimpatyora yoga, nerotyo okematsagematanakerira tampia irorori ontiri inkaare?