Populære bibelvers fra VARHOMA 1

Del

Kunene a ndzi na tingana ku vula Evhangeli, hikuva i matimba ya Xikwembu ya ku ponisa mani na mani la pfumelaka, ku sungula hi Muyuda, ku yisa eka Mugriki.

Hikuva ku hlavuteriwile eka yona, ku lulama ka Xikwembu, ku hume eku pfumeleni, ku yisa eku pfumeleni, kukotisa leswi tsariweke leswaku: “La lulameke u ta hanya hi ku pfumela.”

Hikuva leswi nga voniwiki swa Xikwembu, ma nga matimba ya xona lama nga heriki, ni vukwembu bya xona, swi vonake ngopfu, ka ha ri mpfhuka misava yi tumbuluka, loko ku tsundzukiwa mitirho ya xona, ku va leswaku va pfumala ku tilandzula.

Hikuva, hambi va tivile Xikwembu, a va xi dzunisanga leswaku i Xikwembu, naswona a va xi khensanga; kambe va hundzukile swahava emiehleketweni ya vona; ni timbilu ta vona leti pfumalaka vutlhari ti nyamisiwile.

va nga valavo lava hundzuleke ntiyiso wa Xikwembu mavunwa, va gandzela, va va va tirhela leswi vumbiweke, a nga ri Muvumbi la vongiwaka hi masiku ni masiku. Amen!

Hikuva vukari bya Xikwembu bya tikombisa hi le tilweni, ku ba xisandzu, ni ku homboloka hinkwako ka vanhu lava khotselaka ntiyiso eku hombolokeni

Hikwalaho, Xikwembu xi va nyiketile eku naveleni loku nga ni tingana, hikuva exikarhi ka vona, vavasati va hundzurile mukhuva wa vona wa ntumbuluko, ku endla lowu nga lulamangiki. Na vona vavanuna, va tshikile ku endla ni wansati hi mukhuva wa kona, kutani va hisiwile hi ku navelana, vavanuna va endla ni vavanunakulobye leswi yilaka ku vuriwa, kutani va tikumele hakelo leyi faneleke ku lahleka ka vona. Kutani leswi va nga ka va nga ringetanga ku tiva Xikwembu, Xikwembu xi va nyiketile emoyeni lowu solekaka va ta endla leswi nga fanelangiki.

Va ri va tlharihile, kasi va hundzuke va rihuhu; kutani ku kwetsima ka Xikwembu lexi nga boriki, va ku hundzule xifaniso lexi fanisaka munhu la bolaka, ni tinyanyana, ni swiharhi swa mune wa milenge, ni swikokovi.