Populære bibelvers fra Jn 2

Del

Atzun tnejel b'a'nq'ob'aj lu tb'incha Jesus, toj tnam Kana toj tx'otx' Kaliley ja tyek'uya' toklen; atzuntzu' e' oksla'na' t-xnaq'tzb'en te.

Atzunte Jesus xittzaq'we'n te ttxu: —Na, ¿Tiqu'n ntzaja' tma'nju'ya lu weye'? Qu'n na'mx tponwe' q'ij we.

Xi'tzun tma'n Jesus kyeju' nche sipan kjalu: —Che knojsankuye' ẍoq' kkyaqil tu'n a'. Aye'tzunju' nche sipan ku chechij, kub' knojsa'n b'a'nxi'x, Xi'tzun tma'ntl Jesus kye: —Ja'lo kyiq'inktze' ch'i'n ex kyiq'inxe' teju' in nuk'un toju' mjeb'le'n. Ex iktzun kb'inchaju'.

Xi'tzun ttzaq'we'n Jesus kye: —Kxitunkuye' tja Dyos lu, ex kjawil nb'incha'ne' toj oxe' q'ijx.

Tetzunj tlonte Jesus, tzaj ti'n jun aqwil ex kub' tb'incha'n te asyal, oktentzuntz xla'jalkyeju' xjal nche k'ayin toj tja Dyos kyuk'ilxi'ju' kyrit ex kwakyix. Ex el tchto'n kpwaqju' nche ch'exb'en pwaq kye xjal ex majx jaw tpich'ku'nju' kmes. Ex xitma'n kyeju' nche k'ayin paloms kjalu: —¡Kyiq'imixjuye' kpalomse' tzalu! ¡Lalun tz'ok kq'o'ne' tja Dyos te jun k'wik!