Populære bibelvers fra مَرْقُسْ 6

Del

وْݣَالْ لِيهُمْ يَسُوعْ: «أَجِيوْ نْتُمَ بُوحْدْكُمْ لْوَاحْدْ الْمُوضْعْ خَالِي وْرْتَاحُو شِي شْوِيَّة»، حِيتْ كَانُو بْزَّافْ دْ النَّاسْ كَيْمْشِيوْ وْكَيْجِيوْ، وْمَا بْقَاشْ لْلرُّسُلْ الْوَقْتْ فِينْ يَاكْلُو.

وْهُوَ يْݣُولْ لِيهُمْ يَسُوعْ: «النّْبِي كَيْتّْحْتَرْمْ فْكُلّْ بْلَاصَة، مْنْ غِيرْ فْبْلَادُه وْفْوَسْطْ عَائِلْتُه وْمَّالِينْ دَارُه».

وْمْلِّي نْزَلْ يَسُوعْ مْنْ الْفْلُوكَة شَافْ جْمَاعَة كْبِيرَة دْ النَّاسْ، وْحَنّْ عْلِيهُمْ حِيتْ كَانُو بْحَالْ شِي غْنَمْ بْلَا سْرَّاحْ، وْبْدَا كَيْعَلّْمْهُمْ بْزَّافْ دْ الْحَاجَاتْ.

وْمَا قْدَرْ يَسُوعْ يْدِيرْ حْتَّى شِي مُعْجِزَة تْمَّ، وَلَكِنْ حَطّْ يْدِّيهْ عْلَى نَاسْ قْلَالْ كَانُو مْرَاضْ وْشْفَاهُمْ. وْتّْعَجّْبْ مْنْ قَلّْةْ إِيمَانْهُمْ. وْمْنْ بَعْدْ، مْشَى كَيْضُورْ فْالدّْوَاوْرْ كَيْعَلّْمْ فِيهُمْ.

وْخْدَا يَسُوعْ هَادُوكْ الْخَمْسَة دْ الْخُبْزَاتْ وْالجُّوجْ دْ الْحُوتَاتْ وْهْزّْ عِينِيهْ لْلسّْمَا وْشْكَرْ اللَّهْ وْقَطّْعْ الْخُبْزْ وْعْطَاهْ لْلتّْلَامْدْ دْيَالُه بَاشْ يْفَرّْقُوهْ عْلَى النَّاسْ، وْقَسّْمْ الجُّوجْ دْ الْحُوتَاتْ عْلِيهُمْ كَامْلِينْ. وْكْلَاوْ كُلّْهُمْ حْتَّى شْبْعُو. وْمْنْ بَعْدْ، جْمْعُو طْنَاشْرْ ݣُفَّة مْنْ دَاكْشِّي اللِّي شَاطْ مْنْ الطّْرُوفَ دْ الْخُبْزْ وْمْنْ الْحُوتْ.