Populære bibelvers fra 2 Corintios 4

Del

Ec'u ri'oj na cakaya ta kac'u'x che ri quilitaj wara che ruwachulew, e cakaya kac'u'x che ri na quilitaj taj; ma ronoje ri quilitaj uwach xa caq'uisic, no'j ri na quilitaj ta uwach na jinta utakexic rucowil.

E uwari'che na capax ta kac'u'x, tob ne wa kacuerpo catajin uri'jobic; no'j ruc'u'xibal ri kac'aslemal na je ta la' u'anom, ma jalan cac'oji' ne más kachuk'ab ri jujun k'ij. Janipa tak wa c'ax cakatij che ruwachulew xa quic'owic, yey wa' lic c'o cutikoj che ri kabinic kasilabic y che ri chomilaj kac'aslemal chila' chicaj, ri na jinta utakexic y na jinta c'ana cajunimax wi.

Tob cape c'u uq'uiyal uwach c'axc'obic pakawi', cojel na chupa. Tob c'o ubis kac'u'x, na capax ta kac'u'x che. Tob cojternabex ruc' c'ax, ri Dios na oj rok'otam taj. Tob ne cojmach'ax pulew, na caquisach ta kawach.

Ri K'ijsak re ri Dios e jun nimalaj beyomalil, yey uk'alajisam wa' chike tob ri'oj xa oj ulew poklaj. Jela' xu'ano cha' cak'alajin wa': Ri unimal chuk'ab c'o kuc', na ke ta ri'oj, ma ruc' ri Dios cape wi.

Rique na caquicoj ta ri Utzilaj Tzij ma sachisam ri quina'oj ruma ri jun catakan che ruwachulew; wa' e ritzel winak, ri xu'an pacha' potz' chique cha' na caquil ta ri chomilaj K'ijsak re ri Cristo, ri cuc'utubej uwach ri Dios.

Ma ri Dios ri xtakan che xwon ri k'ijsak chupa ri k'eku'm, e Rire ri xwon chupa ri kanima' cha' ruc' la' caketa'maj runimal uchomalil Rire, ri cak'alajin ruma ri Cristo.