Populære bibelvers fra Rom 12

Del

Ex mi'n che oc lpe'ye ti'j cynabl xjal mya ba'n, nok o'cx cych'expum cynable tu'n cyoque te ac'aj, tu'ntzun cyojtzkinteye alcye tajbil Dios, tu'n tel cynic'e ti'j alcye ba'n, ex alcye in tzalaj Dios ti'j ex alcye ju tz'aklxix.

Erman, ma tzaj k'ak'an tc'u'j Dios k'ij, cyja'tzun chin cubsale cywitze tu'n t-xi cyk'o'ne cyximlale te Dios ic tza'n jun oyaj itz', tecuxix Dios ex ba'n nne'la tuj twitz, atzun cyc'ulbile axix toc twitz Dios.

Che tzalajxe tu'nju k'ukl cyc'u'je tu'n cytene tuc'il Kajaw; tzic'xwit yajbil cyu'ne; ex mi'n che k'ajene tu'n cyna'ne Dios.

Mi'nwt cub ti'ja tu'nju mya ba'n, nok o'cx tu'n tcub ti'j mya ba'n tu'na tu'nju tbinchbena ba'n.

Cyc'ujlam cyibe cyxolxe porque cyitz'in cyibe; tz'oc tililx cyu'ne tu'n cynimanjtz ke mastl ocslal ex mya o'cx akeye tu'n cynimanjtze.

Aju cyc'ujlalile myawt nok tten. Cyic'un ele aju mya ba'n, che lpe'que ti'j ju ba'n.

Ka jacu bant cyu'ne, tz'oc tililx cyu'ne tu'n cytene ba'n cyuc'il cycyakil xjal.

Akeye erman at nc'u'je cyi'je, mi'n tz'aj cyk'o'ne t-xel mya ba'n, nok o'cx cyk'oncje tuj tcwent Dios; porque in tma'n tuj Tu'jil: Wu'ne c'ajel t-xel; akine chin k'olte castiw, chi Kman.

Tz'oc tililx cyu'ne ex mi'n che oque cy'aj; tenwt t-sec'al cyanmiye ex che ajbene te Kajaw.

Nok tu'n t-xtalbil Dios ma tzaj k'o'n woclene, cyja'tzun cxel nma'ne cyeye cycyakile, mi jun tu'n t-ximan ti'jx ka at mas toclen ex balo minti', nok o'cx tu'n t-ximan ti'jx tujxix tumel, ic tza'nx tocslabl junjun tzaj tmalo'n Dios.

Ka ma binchanjtz mya ba'n cyi'je, mi'n tz'aj cyk'o'ne t-xel mya ba'n; tz'oc tililx cyu'ne tu'n tbant aju ba'n tuj cywitz cycyakil xjal.

Junxwit cynable cyxolxe; mi'n jaw cyniman cyibe; cymojban oc cyibe cyuc'il keju nok ch'in cyoclen. Mi'n che ximane ti'j ka mas at cynable.

Cyja'tzun, aju aj k'oj ti'ja, ka at we'yaj ti'j, k'onxa twa; ex ka at txketle'n ti'j, k'onxa tc'a; ka ma tbinchaya icju ctzajel tch'ixwi, chi tuj Tu'jil.

Che cubsane twitz Dios tu'n cycub cy'iwla'n keju in che yajlan cyeye; cykaninxe cy'iwbil cyibaj, ex mi'n txi cykanine mya ba'n cyibaj. Che tzalajxe cyuc'il keju in che tzalaj; che ok'e cyuc'il keju in che ok'.

Che onine cyi'j ocslal ti'j ju atx taj cye; ex cyk'onxe cyposad ocslal.

Porque ic tza'n kximlal nimcu ikan tu'n ex mya junx ta' cyak'un, icxtzun kten, masque nimcu kbaj pero nok jun kximlal tu'nju kmojbabl kib tuc'il Crist, ex kcyakil ktzuylaj kib ti'j jun kximlal.