Populære bibelvers fra Gén 50

Del

Rix xich'ob chi niben itzel chuwe yin, jak'a ri Dios xixrukusaj richin utz, richin chi nitz'et chi xinkol kik'aslen janila chi winaqi'.

Jak'a ri José xubij chike: Man tixibij-iwi'. Yin man in Dios ta richin ninya' rutojbalil pan iwi'.

Roma ri' man tixibij-iwi'. Yin kan k'a xkixintzuq na, rix y ri iwalk'ual, xcha'. Keri' k'a xubij ri José richin chi xukuquba' kik'u'x ri rach'alal, y kan rik'in janila ajowabel xch'on kik'in.

Kere' tibij chire ri José: Nink'utuj utzil chawe, José, chi takuyu' kimak ri awach'alal, roma kan janila itzel xkiben chawe, chayineq kan. Roma ri' roj re wakami niqak'utuj utzil chawe chi takuyu' qamak roj ri oj rusamajela' ri ru-Dios ri qatata', xecha-el chire ri xkiteq-el. Y toq ri José najin k'a chirak'axaxik ri kitaqon-el rubixik ri rach'alal, ri José janila k'a noq'.

Xapon k'a jun q'ij toq ri José xubij chike ri rach'alal: Yin xa juba' chik ok in k'es, jak'a ri Dios xtipe richin yixruto' y xkixrelesaj-el re wawe' chupan re ruwach'ulew re' y xkixberuya-q'anej chupan ri ruwach'ulew ri sujun kan chike ri qate-qatata' Abraham, Isaac y ri Jacob, xcha' chike.

Xujikiba-rutzij ri José chikiwech ri e rijatzul kan ri Israel y xubij chike: Kan qitzij na wi chi ri Dios xtipe richin yixruto' y yixruk'uaj-el y toq xtibanatej re', tik'uaj-el ri nubaqil, xcha' chike.

Y xken k'a ri José toq k'o chik 110 rujuna'; y xkaq'omaj k'a richin man chi'anin ta niq'ey. K'ari' xkiya' pa jun káxa*f33* ri chiri' pan Egipto.