Populære bibelvers fra Gén 49

Del

Ri q'atbel-tzij*f32* kan man jun k'a xtitikir xtelesan pa ruq'a' ri Judá, ri cetro richin ri q'atbel-tzij kan man jun xtelesan chire, k'a ja toq xtoqaqa na ri rajaw, k'ari' xtujech chire, y konojel ri winaqi' chuwech ri ruwach'ulew xtikinimaj rutzij.

Ri José achi'el tipe jun tikilik che', rija' tikil chuchi' jun ralaxbel-ya' y jebel niwachin, ri ruq'a' kan yejote' k'a chuwech ri tz'aq. Ri ch'abnela' ri e etzelanel richin, kan xkiya' pa q'axo'n, kan man nikiya' ta kan ruk'aqik ch'ab chirij.

Jak'a rija' kan kow xk'oje' y kan k'o ri ruk'aqbal-ch'ab pa ruq'a', kan xketamaj-wi xkikusaj jebel ri kiq'a', roma ri nu-Dios yin Jacob, ri k'o ronojel uchuq'a' pa ruq'a'; roma ja ri wajyuq' y ri nuto'onel yin Israel, ri k'o rik'in. Jak'a ri nu-Dios yin ri in atata' ri xtito'on awichin; ja ri Dios ri k'o ronojel uchuq'a' pa ruq'a' ri xturtisan awichin, kan xkarurtisaj-pe rik'in ri job ri niqaqa-pe chila' chikaj, kan xkarurtisaj k'a rik'in ri ya' ri k'o pa ruk'u'x re ruwach'ulew. Ri ak'uala' kan k'o k'a ri xtikitz'umaj y kan k'o chuqa' ak'uala' xke'alex.

Y rat Judá, chi achaq' chi animal xtikiya' aq'ij; xke'achop k'a chikiqul ri ye'etzelan awichin; kan xtikixuk xtikimej-ki' ri awach'alal chawech. Rat Judá, at achi'el kape jun alaj koj, nuk'ajol yin, at achi'el jun alaj koj ri peteneq pa kanonik, niwune' y nikotz'e-qa pan ulew achi'el jun nimalej achij koj, achi'el chuqa' jun nimalej ixoq koj, ri man jun nitikir nijel-apo rik'in richin nuk'asoj.

Rat Rubén, ri nabey nuk'ajol, rat ri xaq'alajirisan ri wuchuq'a' y ri nabey walk'ual pa nuk'ajolil; rat kan k'o-wi aq'ij, rat kan k'o-wi awuchuq'a' chikiwech ri ch'aqa' chik nuk'ajol. Jak'a roma xa at achi'el kape raqen-ya' ri nibusku'l, man ja ta chik rat ri xtik'oje' aq'ij; rat xa xaben chire ri ruch'at re atata' chi man jun rejqalen, rat xa xak'oje' rik'in ri Bilhá ri jun chik rixjayil re atata', xcha' chire ri Rubén.