Populære bibelvers fra Alajiya 5

Del

She vo o'wo za va̱ a̱bunda̱ o una̱ wan, ko vu lyawa okolo a̱ wu a̱ je'en, a mayan ma adanshi a̱ ma̱ka̱ka̱n ma̱ A̱sula̱ wan. Adama a na A̱sula̱ a̱ ta̱ zuva, a̱vu gba vu ta̱ pa o uvaɗi. Adama o ndolo, lyawa adanshi a̱ wu a̱ da̱na̱ wa'a.

Ne ɗa u ri suru e ekere a za na A̱sula̱ a cayi utsuru ni itana, reve fo u ca yi mantsa ma na wa uwwa uyo'o u le. Mawwa mo uyo'o wu ulinga wa̱ yi nu ushishi wi ili i na A̱sula̱ oo foɓo niyi, a̱yi nda fo u ne'e u ɗa uba̱ta̱ wa̱ A̱sula̱.

Za vi icigi yi ikebe lon, ikebe i tsu rawai shi, za na cigai utsuru waru, u tsu cuwa̱n ni ili na wa̱a̱ tsura̱sa̱ shi. Suru ndolo ili ya̱ pere i ɗa.

Vi idana nu udasu wa̱ wu a mantsa ma na vu uwai o u'wa wa̱ A̱sula̱. U ta la'aa wu vu 'ya̱wa̱ na̱ majiyan ma na voo polo atsuvu, ana a damma vu 'ya̱wa̱ ta̱ vu ca kucci cu'un vo olo, adama a na olo e reve i ili a yuwusan u ri ulobonu shi.

A mantsa ma na vu yuwain akucunu na̱ A̱sula̱, she vu lungusa̱ mantsa ma na vo shiton wan, adama a na u tsu uwwa uyo'o wo olo shi. Vu shiton akucunu a na vu yuwain.

U ta la'a wu na va yuwan akucunu shi, a na a damma vu yuwan ta̱ akucunu a gba vu shiton shi.

Za vu ulinga tsu uwwa ta̱ uyo'o wu nlavu ma̱ yi, ko na̱ shi u lyuwa ilyalya ke'en ko a̱bunda̱. Amma ucuwun wu za vu utsuru, u tsu putsa yi ta̱ na̱ nlavu, adama a̱bunda̱ o utsuru wa̱ yi.

Ataɓu a ɗa vuma uta̱i a̱ a̱a̱tsuma̱ a mma va̱ yi, ataɓu a ɗa waru wa̱a̱ ka̱mba̱. Waa tara ili i ro o ukere wa̱ yi, a̱tsuma̱ o ulinga u na u yuwain shi.