Populære bibelvers fra ယောဟန် 4

Del

ဗွေႏ​ဘု​ရာꩻ​နဝ်ꩻ​ထွာ ဝိ​ညာဉ်ႏ​တောႏ​တဲင် နုဲင်း​ဝွေꩻ​ဗွေႏ​က​ထွာ အ​စဲစ်​မဲဉ်ႏ​အ​တွိုင်ꩻ စွဉ်ႏ​ဝွေꩻ​ဗွေႏ ဝိ​ညာဉ်ႏ​တောႏ တန်ꩻခိုꩻ​လွုမ်ꩻ လိုꩻ​ဖုံႏ​နဝ်ꩻ ဝုဲင်ႏ​ကိုꩻ​ကွယ်ႏ​နွောင်ꩻ ဝွေꩻ​ဗွေႏ​သွူ။

ကွဲႏ​တွော့ꩻ နုဲင်း​ဖါ​တောႏ က​ထွာ အ​စဲစ်​အ​မဲဉ်ႏ​အ​တွိုင်ꩻ စွဉ်ႏ​ဗွေႏ​ဘု​ရာꩻ ဝိ​ညာဉ်ႏ​တန်ꩻခိုꩻ​နဝ်ꩻ လိုꩻ​ဖုံႏ အီႏ​ဝုဲင်ႏ​ကိုꩻ​ကွယ်ႏ​ဗာႏ ဝွေꩻ​ဗွေႏ၊ ဝွေꩻ​ဗွေႏ က​မဉ်​လꩻ​ဒါႏ ထာꩻ​လူႏပူႏဇောႏ ဝုဲင်ႏ​ကိုꩻ​ကွယ်ႏ အ​စဲစ်​မဲဉ်ႏ ချိန်ႏ​နဝ်ꩻ အီႏ​ဖျော်​လွဉ်​တဲင် ဖျော်​လွဉ်​လဲဉ်း ယို​ကို​သွူ။

ကွဲႏ​တွော့ꩻ လိုꩻ​က​အွꩻ​ဗာႏ ခွေ​က​ဖေႏ​ဒါႏ ဝွေꩻ​သီး​ထီ​နဝ်ꩻ မုဲင်ꩻ​ခါ​တဲ့ အီႏ​တ​ဟို့ꩻ​ခိုႏ ဗာႏ​ဖျင်​တဝ်း​ဒွုမ်​သွူ။ ခွေ​က​ဖေႏ​ဒါႏ ဝွေꩻ​သီး​ထီ​နဝ်ꩻ အီႏ​ထွာ​လွဉ် ဝွေꩻ​သီး​အကို ထီ​ထန်ႏ​ခြောင်​တ​လီး အီႏ​ဖေႏ​ဝွေꩻ​သီး အ​သက်​မွန်​ထီ​တွော့ꩻ ဖေႏ​ဝွေꩻ​သီး ထာ​ဝ​ရ​အ​သက်” နုဲင်း​နဝ်ꩻ​သွူ။

ဗွေႏ​ယေ​သျု လဝ်း​ချာ၊ “​ဗွေႏ​ဘု​ရာꩻ က​ဖေႏ​ဒါႏ ဆု​ကေꩻ​ဇူꩻ​တွမ်ႏ ပါꩻ​က​ကွီ နာꩻ​ထီ​အွꩻ ထွာ​ပါꩻ​မုဲင်ꩻ နာꩻ​မဉ်ႏ​သေ​ငါꩻ​နဝ်ꩻ နာꩻ​အီႏ​ကွီ​ဝွေꩻ​တဲင် ဝွေꩻ​အီႏ​ဖေႏ​နာꩻ အ​သက်​မွန်​ထီ” နုဲင်း​နဝ်ꩻ​သွူ။

ဗွေႏ​ယေ​သျု ဒေါ့ꩻ​ဖေႏ​ဝွေꩻ​သီး၊ “​ခွေ​ထာꩻ​အံႏ​နဝ်ꩻ ထွာ​ဒျာႏ လွောက်ꩻ​နာႏ ဗွေႏ​အ​ပါ က​အွဉ်ႏ​စွꩻ​လွဉ်​ခွေ​တဲင် မာꩻ​ထွူ​ထဲ့​ဖေႏ​ဗာႏ ဝွေꩻ​ဗွေႏ က​ဖေႏ​ဒါႏ​ခွေ အ​မု​တောႏ ထာꩻ​မာꩻ​ဒျာႏ​သွူ။

ပါꩻ​မူႏ​ဒေါ့ꩻ၊ “​ဗွေႏ၊ ဆ​ရာႏ နီ​ဗွေႏ​နဝ်ꩻ ထီ​ဗွုံꩻ​တဲ့​အဲဉ်​ထဝ်း ထီ​အုံႏ​နဝ်ꩻ ယော့​တန်​သွူ။ နီ​ဗွေႏ​အီႏ​ထူႏ အ​သက်​မွန်​ထီ မုဲင်ꩻ​ကို​ဟောင်း။

ဝွေꩻ​မူႏ​ဒေါ့ꩻ​ဖေႏ ဝွေꩻ​ဗွေႏ၊ “မေ​သျိ​ယ အီႏ​ကျွꩻ​လွဉ်​တဲင် ဝွေꩻ​ဗွေႏ ထွိုင်ႏ​ကျွꩻ​လွဉ်​ချိန်ႏ​နဝ်ꩻ ဝွေꩻ​ဗွေႏ အီႏ​ဒေါ့ꩻ​နယ်​ဖေႏ​နီ ကား​က​အဝ်ႏ​နဝ်ꩻ ခွေ​သွဉ်း​မူႏ အဝ်ႏ​သေ” နုဲင်း​နဝ်ꩻ​သွူ။ ဗွေႏ​ယေ​သျု​လဝ်း​ချာ၊ “​ဝွေꩻ​ဗွေႏ​နဝ်ꩻ​ထွာ​ဒျာႏ နာꩻ​က​အဝ်ႏ​ဒေါ့ꩻ​ရီ​ဒါႏ ခွေ​ယို​သွူ” နုဲင်း​နဝ်ꩻ​သွူ။

ခွေ​က​မာꩻ​လဲဉ်း​ဒါႏ​ဖုံႏ က​ဒေါ့ꩻ​နယ်​ချာ​လို့​ဒါႏ​ခွေ ပါꩻ​ခို​နဝ်ꩻ​နဝ်ꩻ လွဉ်​ထွား​သွော့။ ဝွေꩻ​နဝ်ꩻ အီႏ​ထွာ​နွောင်ꩻ မေး​သျိ​ယ​ဟောင်း” နုဲင်း​နဝ်ꩻ​သွူ။