Populære bibelvers fra ယောဟန် 3

Del

ပွိုး​ဗွေႏ​ဘု​ရာꩻ​နဝ်ꩻ ရက်​ငါႏ လော​က​သား​ဖုံႏ နဝ်ꩻ​မꩻ ဝွေꩻ​ဗွေႏ​စွဉ်ꩻ​ဖေႏ ဝွေꩻ​ဗွေႏ​ပို​ခို​တောႏ က​အဝ်ႏ​တ​ပါꩻ​လွုမ်ꩻ​နဝ်ꩻ​သွူ။ နဝ်ꩻ​မꩻ ပါꩻ​က​ယွုမ်း​ဒါႏ ဝွေꩻ​ဗွေႏ​သား စွုမ်ႏ​ဖြာꩻ​နဝ်ꩻ အီႏ​တ​သီ​ဗာႏ​တဝ်း အီႏ​လꩻ​ထာ​ဝ​ရ အ​သက်​မွန်​သွူ။

ပွိုး​ဗွေႏ​ဘု​ရာꩻ က​အွဉ်ႏ​စွꩻ​လွဉ် ပို​ခို​တောႏ ကမ္ဘာႏလော​က​ကို​နဝ်ꩻ အီႏ​စီႏ​ရင်ႏ​တာႏ တ​မွေး​တဝ်း၊ ကွဲႏ​တွော့ꩻ အီႏ​ကယ်ႏ​ဒျာႏ​သွူ။

ဗွေႏ​ယေ​သျု​လဝ်း​ချာ၊ “​ခွေ​ဒေါ့ꩻ​ဖေႏ​နာꩻ အ​မွေး​အ​မဲဉ်ႏ၊ ပေါႏ​တ​လွူး​လွဉ် ဖျင်​ယင်း​တဝ်း တ​လဲင်ႏ​နဝ်ꩻ ပါꩻ​မုဲင်ꩻ​တ​ဖြာꩻ​တဲ့ တ​ထီႏ​နွောင်ꩻ​တဝ်း ဗွေႏ​ဘု​ရာꩻ ခမ်း​ထီ​နဲင်ႏ​ငံႏ” နုဲင်း​နဝ်ꩻ​သွူ။

ပါꩻ​မုဲင်ꩻ​ယွုမ်း ပို​ခို​တောႏ​နဝ်ꩻ အီႏ​တ​ခံႏ​ဗာႏ​တဝ်း ထာꩻ​စီႏ​ရင်ႏ၊ ကွဲႏ​တွော့ꩻ ပါꩻ​တ​ယွုမ်း​တဝ်း​နဝ်ꩻ ပွိုး​ဝွေꩻ​တ​ယွုမ်း​တဝ်း ဗွေႏ​ဘု​ရာꩻ ပို​ခို​တောႏ အဝ်ႏ​တ​ပါꩻ​လွုမ်ꩻ​အ​တွက် ယို​ခါ​ကာႏ ခံႏ​ဗာႏ ထာꩻ​စီႏ​ရင်ႏ​သွူ။

ထာꩻ​စီႏ​ရင်ႏ ထာꩻ​မာꩻ​နဝ်ꩻ ထွာ​နုဲင်း​ယို​သွူ။ ထာꩻ​လေ​နဝ်ꩻ ကျွꩻ​လွဉ်​လဲဉ်း လော​က​ကို​စွဉ်ႏ​တဲ့ ကွပ်​ပွိုး ဝွေꩻ​သီး​အဝ်ႏ​မာꩻ​ဒျာႏ ထာꩻ​ကုဲင်​အ​တွက် လိုꩻ​ဖုံႏ က​ကျွိုက်​နစ်​သက် ထာꩻ​ခေ့ꩻ​နဝ်ꩻ လွို​ကယ်ꩻ​က ထာꩻ​လေ​သွူ။

ဝွေꩻ​ဗွေႏ​နဝ်ꩻ အီႏ​တိုꩻ​တက် ထင်ႏ​ထို​ဗာႏ​တဲင် ခွေ​နဝ်ꩻ အီႏ​ဆေ့ꩻ​ယွမ်ꩻ ထိုꩻ​ဗာႏ​သွူ။

လိုꩻ​က​မာꩻ​ဒါႏ ထာꩻ​ကုဲင်​သား​ဖုံႏ​နဝ်ꩻ လွꩻ​ထီႏ​ထာꩻ​လေ၊ ပွိုး​တွော့ꩻ ဝွေꩻ​သီး​က​မာꩻ​ဒါႏ ထာꩻ​ကုဲင်​ဖုံႏ​နဝ်ꩻ တ​မဉ်​အွဉ်ႏ​ပေါႏ​နယ်​တဝ်း နဝ်ꩻ​မꩻ အီႏ​တ​လွဉ်​တဝ်း ထာꩻ​လေ​ထျꩻ​သွူ။

ပါꩻ​မုဲင်ꩻ​ယွုမ်း ပို​ခို​တောႏ​နဝ်ꩻ လꩻ​ထာ​ဝ​ရ​အ​သက်​သွူ၊ ပါꩻ​မုဲင်ꩻ လွောက်ꩻ​နာႏ​တဝ်း ပို​ခို​တောႏ​နဝ်ꩻ အီႏ​တ​လꩻ​တဝ်း အ​သက်၊ ကွဲႏ​တွော့ꩻ အီႏ​အဝ်ႏ​စွူ​စွူ​ဗာႏ​ဒျာႏ ဗွေႏ​ဘု​ရာꩻ အ​ပဲစ်​တံႏ ထာꩻ​စီႏ​ရင်ႏ ဆꩻ​လ​နဝ်ꩻ​သွူ။

နုဲင်း​မော​သျေ က​ယွိုင်ႏ​ထင်ႏ​ဒါႏ ရူး​တောင်ꩻ​ရွုတ်​ထွန်ႏ​နာ က​န္တာ​ရ ထာꩻ​ခြာ​ကို​အ​တွိုင်ꩻ ဗွိုန်​နုဲင်း​နဝ်ꩻ​နေ​နေ လိုꩻ​ပို​ခို​နဝ်ꩻ အီႏ​ခံႏ​ဗာႏ အ​ယွိုင်ႏ​ထင်ႏ​နဝ်ꩻ​သွူ။

ဖါ​တောႏ​နဝ်ꩻ ရက်​ဝွေꩻ​ဗွေႏ ပို​ခို​တောႏ​တဲင် ထာꩻ​ဖုံႏ​ကား​က​အဝ်ႏ​နဝ်ꩻ အပ်​ဖေႏ​လို့​လဲဉ်း ဝွေꩻ​ဗွေႏ​စူ​ကို​သွူ။