Populære bibelvers fra رومی ایشون 12

Del

و دِ هَین دِنیایی تَرا نَووئین، بلگی شی فکری نُو بَووئَنی هَمرا تغییر هاکِنین. هون موقِه بَتِنِّنی خِدایی اِرادِه رِه بِفهمین، خِدایی بابِ دِل و کامِلِ اِرادِه رِه.

پَس اِی بِرارِن، خِدایی رَحمتایی خاطری، شِمِه جا خواهِش کِمِّه گه شی تَنِ هِتی زینِّه قِروونی ای تَرا، مِقَدَّس و خِدایی بابِ دِل، پیشکَش هاکِنین گه شِمِه روحانی عبادَت همینِه.

اِمیدی دِلِه خِشال ووئین، مِصیبتایی دِلِه صَبور ووئین و هَمِش دِعا هاکِنین.

بَدی ای تَسلیم نَواش، بَلگی خِبی ای هَمرا بَدی ای سَر هاجِرا بَواش.

بِراری تَرا همدیرِ دوس دارین، اِحترام بِشتنی دِلِه، همدیری جا پِش دَکِفین.

مِحبت وِنِه بی‌ریا ووئِه. بَدی ای جا دوری هاکِنین و اونچی گه خِبِ رِه، دِ دَسی بَچِسبین.

اگه وونِه، تا اوجِه گه شِمارِ ربط دارنِه، هَمه ای هَمرا صِلح و صفایی دِلِه زندگی هاکِنین.

اِی عزیزِن، هیچ وخت شِه، تقاص نَئیرین، بَلگی اونِه خِدایی غضبی دَس واگِذار هاکِنین. چون توراتی دِلِه بَنوِشت بَوِه گه «خِداوند گِنِه: ”تقاص مِنیِه؛ مِنمِه گه سِزا دِمِه.»

هیچ وَخت شِمِه غیرت خِدایی سِه کَم نَوو؛ روحی دِلِه هِتی تَشی تَرا اَلوک بَیرین و خِداوَندِ خِدمَت هاکِنین.

چون هون فیضی طریقی جا گه مِنِه هادا بَوِه، شِما هر کدیمِ گِمِه گه شِرِه اونچی گه هَسِّنی ای جا ویشتَر نَئونین، بَلگی هر کِدیم هون ایمونی اَنّا گه خِدا شِمارِ هادا، دِرِس قضاوت هاکِنین.

هیچکَسِ بَدی ای عوض، بَدی نَکِنین. بلگی کاری رِه هاکِنین گه بقیِه ای نظر حِرمت دارنِه.

همدیَری هَمرا مِدارا هاکِنین. مغرور نَووئین، بَلگی اونانی هَمرا گه سادِه و ضَعیفِنِه، رفت و آمد هاکِنین. هیچ وخت شِرِه حکیم نَئُونین.

برعکس، «اگه تی دِشمن وَشنیِه، وِرِه غذا هادِه، و اگه تَشنیِه، وِرِه اُو هادِه. اگه هَینجور هاکِنی، جوری وِرِه شرمنده کِنّی گه اِنگار وی کَلِّه ای سَر سِرخِ چیک اِلنی.»

اونانیگه شِمارِ آزار رَسانِنِه ای سِه، بَرکَت بَخواین؛ بَرکَت بَخواین و اَراشت نَکِنین! اونانی هَمرا گه خِشالِنِ، خِشالی هاکِنین، و اونانی هَمرا گه بِرمِه کِنِنِه، بِرمِه هاکِنین.

مِقدَّسینی اِحتیاجاتی برطرف هاکِردَنی دِلِه شَریک بَووئین و مِهمون‌نِواز ووئین.

چون هَمونجور گه اَما یَتِه تَنی دِلِه خِیلی اعضا دارمی و دِشتِه اعضا یَه اَنّا وظیفِه نارِنِه پس اَما گه خِیلیمی، مَسیحی دِلِه یَه تَنِمی و هر کدیم تَک به تَک، هَمدیری اعضامی.