Populære bibelvers fra اِنجیلِ یوحنا 6

Del

عیسی وِشونِه بُتِه: «هون نونی گه زندگی بَخشِنِه مِن هَسمِه. هر کی می وَر بیِه وَشنی نَوونِه، و هر کی مِنِه ایمون بیارِه هیچ وَخت تَشنی نَوونِه.

خِدایی روحِ گه زینِّه کِنِّه؛ تَن فایدِه ای نارنِه. گَبایی گه مِن شِمارِ بَزومِه، روح و زندِگیِه.

کار هاکِنین، ولی نا خِراکی سِه گه از بِین شونِه، بَلگی هون خِراکی سِه گه تا اَبَدی زندِگی بِجا مونِّه، خِراکی گه اِنسونی ریکا شِمارِ دِنِه. چون خِدای پیر وی سَر مِهرِ تأیید بَزو.»

چون می پیری خواسِّه هَینِه گه هر کی گه ریکارِه اِمید دَوِنِّه و وِرِه ایمون بیارِه، اَبَدی زندِگی رِه دارِه و مِن قیامَتِ روز وِرِه زینِّه کِمِّه.»

عیسی جِواب هادا: «خِدایی کار هَینِه گه اونیگه وی بَرِسانیِه رِه، ایمون بیارین.»

دِشتِه کسایی گه پیر مِنِه دِنِه می وَر اِنِنِه، و هر کی گه می وَر اِنِه وِرِه هیچ وَخت شی وَری جا دیرگا نَکِمِّه.

شَمعونِ پِطرُس جِواب هادا: «آقا، کِنی وَر بوریم؟ اَبَدی زندگی ای کَلام تی وَر دَرِه.

من اون نونی هَسمِه گه زندگی بَخشِنِه و آسِمونی جا اِنِه. هر کی هَین نونی جا بَخارِه، تا اَبَد زینِّه مونِّه. می تَن هون نونیِه گه دِمِه تا دِنیایی مَردِن زندگی دارِن.»

هیچکی نَتِنِّه می وَر بیِه بِجز هَینگه پیری گه مِنِه بَرِسانیِه وِرِه می سَمت بَکِشانِه، و مِن قیامَتِ روز وِرِه زینِّه کِمِّه.

چون خِدایی نون، اونیه گه آسِمونی جا اِنِه و دِنیارِه زِندگی بَخشِنِه.»

مِن اون نونی هَسمِه گه زندگی بَخشِمِه.

اَزما عیسی نونیشونِه بَیتِه و بعد از شِکر هاکِردَن، هونِنی میِن گه نیشت وِنِه رَسَد هاکِردِه، و مائی ایشونِه هَم هون اَنّا گه خوایسِنِه وِشونِه هادا. وختی سِئر بَوِنِه، عیسی شی شاگِردِنِه بُتِه: «اِضافِه تیکِه نونیشونِه جَم هاکِنین تا هیچی تالِم نَووئِه.»

وختی یَه فَرسَخی اَنّا پارو بَزو وِنِه، عیسی رِه بَئینِه گه دَریایی سَر راه شونِه و لوتکارِه نَزیک وونِه. پس وَحشت هاکِردِنِه. ولی عیسی وِشونِه بُتِه: «مِن هَسمِه؛ نَتِرسین.»