Populære bibelvers fra اِنجیلِ یوحنا 2

Del

هَینجور عیسی شی اوَّلین نِشونِه و مُعجِزِه رِه قانای جَلیلی دِلِه اَنجام هادا و شی جَلالِ ظاهر هاکِردِه و وی شاگِردِن وِرِه ایمون بیاردِنِه.

عیسی وِرِه بُتِه: «اِی زَن، هَین کار مِنِه چی رَبطی دارنِه؟ می موقِه حَلا نَرِسیِه.»

عیسی نوکَرِنِ بُتِه: «هَین خِمرِه ایشونِه اُوئی جا مَشت هاکِنین.» وِشون اونِنِه لَب به لَب مَشت هاکِردِنِه. اَزما عیسی وِشونِه بُتِه: «اِسا اَقَدّی اونی جا بَیرین و مِجلِسی رَئیسی وَر بَورین.» پَس وِشون بَوِردِنِه.

عیسی جِواب هادا: «هَین مَعبَدِ لی هادین و مِن سِه روزی سر اونِه اَی هَم ساجِمِه.»

پَس رَسِنی جا یَتِه شَلّاق بَساتِه و دِشتِه وِشونِه، وِشونی گِسَنِن و گُوئیشونی هَمرا مَعبَدی جا دیرگا هاکِردِه. و صَرّافِنی سِکِّه رِه بِنِه ای سَر بَشِنیِه و وِشونی میزیشونِه لی هادا، و کِتَر روشِنِه بُتِه: «اینِنِه هَیجه ای جا دیرگا بَوِرین و می پیری خِنِه رِه کَسب و کاری مَحَل نَکِنین!»