Populære bibelvers fra نامَه وَ کِلیسِی روم 12

Del

وَ رنگِ ای دنیا نَوابِیت، بلکم بِی تازَه وابی‌یَنِ فکرِتون عوض وابِیت، اوسِه ایتَریت ارادۀ خدا نَه بِفَمیت؛ ارادۀ خوب، بابِ‌دل وِ کاملِ خدا نَه.

پَ ای کَکایَل، وَ خاطرِ رَحمَتَلِ خدا، وَتون تمنا دارُم که بَیَنَلِ خِتونَه مِی قُربونیِ زِندَه، مقدّس وِ بابِ‌دلِ خدا تقدیم کِنیت که عبادتِ روحانیِ ایشا هَم یِنِه.

مِنِه امید شایَمون، مِنِه مصیبَتَل صبور وِ مِنِه دعا پاوَرجا بِیت.

بَدی وَت زور وانَبو، بلکم بِی خوبی وَ بَدی زور وابو.

بِی محبتِ کَکاگَری یَکَه دوس داشتَه بِیت. مِنِه حرمت نَهایَن وَ یَک، بِزَنیت نِهِی یَک.

محبت بایِس واقعی بو. وَ گَندی بَدِتون بیا وَ اوچیئی که خوبِه، سِفت بِچَسبیت.

اَر ایابو، تا وُچِه که وَ ایشا مربوطِه، بِی هَمَه مِنِه صلح وِ صفا زندِیی کِنیت.

ای عَزیزَل، وَتَه خِتون تَقاص مَسونیت، بلکم وِه نَه بِئیت وَ دَسِ غضبِ خدا، سی‌یِکِه مِنِه کتابِ تورات نوشتَه وابی‌یِه که «خداوند ایگُ: "تَقاص این مِنِه؛ مِنُم که سِزا اییُم."»

هیچ وخت غیرت ایشا سی خدا نَخُوسِه؛ مِنِه روح مِی تَش اَلُو بِگِریت، خداوندَ خذمت کِنیت.

سی‌یِکِه وَ واسطۀ فیضی که وَم عطا وابی‌یِه، وَ هر کویَکی وَ ایشا ایگُم که خِتونَه بیشتَرَ اوچیئی که هِسیت وَ حساب نَیاریت، بلکم هر کویَکی قَدِ ایمونی که خدا وَتون دایِه، دِرُس قضاوت کِنیت.

وَ هیشکَه وَ عوضِ بَدی، بَدی نَکِنیت. بلکَم کاری نَه کِنیت که مِنِه نظرِ هَمَه حُرمت دارِه.

بِی یَک مدارا کِنیت. غُد نَبِیت، بلکم بِی کَسَلی که ضعیفِن، اومَدِ رفت کِنیت. وَتَه خِتونَه دونا نَبینیت.

واریش، «اَر دشمَنِت گُسنَه یَه، وَش غذا بییِه، اَر تشنَه یَه، چیئی وَش بییِه تا بِخَرِه؛ سی‌یِکِه بِی ای کار طوری خجالَتِش ایئی که اِنگار خرُنگَلِ تَشَه اینی وَ ری سرِش.»

برکت بِئیت وَ اونگَلی که وَتون آزار اییِن؛ برکت بِئیت وِ اونگَلَه نُرفین نَکِنیت. بِی کَسَلی که شایَمونِن، شایی کِنیت، وِ بِی کَسَلی که ایگِریوِن، بِگِریویت.

مِنِه بَرطرف کِردَنِ اِتیاجَلِ ایموندارَلِ وَ مسیح شریک وابِیت وِ خَش‌مِمون بِیت.

سی‌یِکِه هَموطو که هر کویَکی وَ ایما یِه بَیَن داریم که اَعضِی زیادی دارِه وِ کارِ تَمومِ ای اعضا نَه مِی یَکِه پَ ایما هَم بِی یِکِه زیادیم، مِنِه مسیح یِه بَیَنیم وِ هر کویَکیمون تَک وَ تَک، اَعضِی یَکیم.