Populære bibelvers fra نامَه وَ کِلیسِی روم 1

Del

سی‌یِکِه مِ وَ انجیل عار نَیارُم، سی‌یِکِه ای انجیل، قدرتِ خدایَه سی نجاتِ هر کس که ایمون بیارِه، اَوَل یهودی وِ اوسِه غیرِیهودی.

سی‌یِکِه مِنِه انجیل، صالح بییَنی که وَ خدایَه آشکار ایابو، که وَ اَوَل تا وَ آخِر وَ ری پایۀ ایمونِه. هَموطو که مِنِه کتابِ حَبَقوقِ پیغمبر نوشتَه وابی‌یِه: «صالح وَ ایمون زِندِیی ایکِنِه.»

سی‌یِکِه او خِصلَتَلِ خدا که نیابو بِوینیشون، یعنی قدرتِ ابدی وِ ذاتِ الهیش وَ شروعِ خلقتِ دنیا وَ وسیلۀ کارَلِ وُّ خوب دیار بییِنِه. پَ اونگَل دَ هیچ بُونِه‌ای نَیارِن.

سی‌یِکِه هَرچَن خدا نَه اِشناختِن، امّا وِّ نَه مِی خدا حُرمت نَکِردِن وِ شکرِش نَکِردِن، بلکم مِنِه فکرِ خِشون گرفتارِ چییَلِ باطل وابی‌یِن وِ دِلِ نافَمِشونَه تاریکی گِرُت.

سی‌یِکِه اونگَل حقیقتی نَه که دَرموردِ خدا یَه بِی دِرو عوض کِردِن وِ آفریدِه‌یَلِ خدا نَه وَ جِی آفرینَندَه پرستش وِ خذمت کِردِن، خِدِیی که تا ابد لایقِ پَرستِشِه. آمین.

سی‌یِکِه غضبِ خدا وَ آسمون نازِل ایابو وَ ضدِ هَر طور بی‌دینی وِ ناراسیِ آیَمَلی که بِی ناراسیِ خِشون نِهِی حقیقتَه ایگِرِن.

سی هَمیو خدا هَم اونگَلَه مِنِه شهوَتَلی زشت وِل کِه وَ حالِ خِشون. سی‌یِکِه زَنَلِشون، رابطه‌یَلِ طبیعی نَه بِی رابطه‌یَلِ غیرِطبیعی عوض کِردِن. وِ هَمیطو، مِردَل هَم وَ رابطۀ طبیعی بِی زَنَل دَس کَشییِن وِ مِنِه تَشِ شهوت نسوت وَ یَک سُتِن. مِردَل بِی مِردَل کارَلِ زشت کِردِن، وِ سِزِی کارَلِ گَندِ خِشونَه گِرُتِن. وِ هَموطو که سی اونگَل اِشناختَنِ خدا ارزشی نَیاشت، خدا اونگَلَه وِل کِه مِنِه فکرَلِ گَندِشون تا اوچیئی نَه که نَبایِس کِنِن، بِکِنِن.

بِی یِکِه اِدِعِی دونایی ایکِردِن، نایون بییِن وِ جلالِ خِدِی ابدی نَه بِی مَجِسمه‌یَلی وَ شکلِ آیَمِ فانی وِ باهِندِه‌یَل وِ حِیونَل وِ خَزَندِه‌یَل عوض کِردِن.