Populære bibelvers fra انجیلِ لوقا 6

Del

بِئیت وَ ایشا دایَه ایابو. پیمونه‌ای پُرتاپُر، تَپَنایَه، تَکون دایَه وِ لُوریز مِنِه دامَنتون رِتَه ایابو! سی‌یِکِه بِی هر پیمونه‌ای که بِئیت، بِی همو پیمونَه عَوَض ایگِریت.»

آیَمِ خوب وَ خَزینۀ خوبِ دلِ خُوش، خوبی ایکِنِه، وِ آیَمِ بَد وَ خَزینۀ بَدِ دلِ خُوش، بَدی. سی‌یِکِه زُوون وَ اوچیئی گَپ ایزَنِه که دل وَش لُوریزِه.»

امّا ایشا، دشمَنَلِتونَه محبت کِنیت وُ وَشون خوبی کِنیت، وِ بی‌یِکِه اِمید عَوَض داشتَه بِیت، وَشون قرض بِئیت، سی‌یِکِه اجرتون مَهلی گَپویَه، وِ اولادَلِ خِدِی متعال ایابِیت، سی‌یِکِه وِّ هَم بِی ناشُکرَل وِ بَدکارَل مِرَبونِه.

پَ رحیم بِیت، هَموطو که بو ایشا رحیمِه.

قضاوت نکِنیت تا وَ ایشا قضاوت نَوابو. محکوم نَکِنیت تا محکوم نَوابِیت. بُویَخشیت تا بَخشییَه وابِیت.

«امّا وَ ایشا که گَپَلِ مِنَه ایشنِفیت ایگُم: که دشمَنَلِ خِتونَه محبت کِنیت وُ وَ اونگَلی که وَ ایشا نفرت دارِن، خوبی کِنیت. سی هَرکه نُرفینِتون کِنِه برکت واطَلَبیت، وِ سی هرکه آزارِتون بییِه دِعِی خیر کنیت.

بِی مردم هَموطو رفتار کِنیت که ایخِیت بِی ایشا رفتار کِنِن.

اَر کسی تَلَنگوش وَت زَه، اولَتِ ریتَه هم ریاش کُ. اَر کسی قَباتَه وَت اِسَه، جومَتَه هم وَش بییِه. اَر کَسی چیئی وَت بِخوا وَش بییِه، وِ اَر مالِ تِنَه غَصب کِنِه، وَش نَخواه بییِش واپَس.

«هیچ دارِ خوب، میوۀ بَد نییِه وِ هیچ دارِ بَد، میوۀ خوب نییِه.

هر داری نَه وَ میوَش ایابو بِشناسی. نَه وَ بِتِۀ خار ایابو انجیر چی، وِ نَه وَ بِتِۀ دِرَه، انگور!