Populære bibelvers fra انجیلِ یوحنا 10

Del

دُز نیایِه غیرَ یِکِه بِدِزِه وِ بِکِشِه وِ نابود کِنِه؛ مِ اومَمِه تا اونگَل حیات داشتَه بون وُ وَ ای حیات مهلی نصیب بُویَرِن.

«مِ چِپونِ خوبی یَم. چِپونِ خوب جونِشَه اینِه مِنِه رَه میشَل.

میشَلِ مِ وَ صییِی مِ گوش اییِن؛ مِ اونگَلَه ایشناسُم وِ اونگَل وَ دینِ مِ ایان.

مِ وَشون حیات ابدی اییُم، وُ وَتَه هلاک نیابون. کسی نیتَرِه اونگَلَه وَ دَسِ مِ دَرارِه.

مِ "درُم"؛ هرکه وَ مِ داخل وابو نجات ایجورِه، وِ بِی آزادی ایا داخل وِ ایرَه وَدَر وِ چراگا ایجورِه.

مِ چِپونِ خوبُم. مِ میشَلِ خِمَه ایشناسُم وِ میشَلُم مِنَه ایشناسِن،

بُوم که اونگَلَه وَم دایِه وَ همَه گَوتَرِه، وِ هیشکَه نیتَرِه اونگَلَه وَ دسِ بُوم دَرارِه. مِ وِ بُو یِکی یِیم.»

هَموطو که بُو مِنَه ایشناسِه وِ مِ بُو نَه ایشناسُم. مِ جونِمَه اینُم وَ رَه میشَل.

هیشکَه وِه نَه وَ مِ نیسونِه، بلکم مِ وَ میلِ خُوم وِه نَه اییُم. اقتدار دارُم وِه نَه بییُم وِ اقتدار دارُم وِه نَه بِسونُم واپَس. ای حکمَه وَ بُو خُوم گِرُتِمِه.»

پَ یِه دَف‌دَه وَشون گُت: «وراسی، وَ ایشا ایگُم، مِ سی میشَل "درُم"؛

کسی که سی پیل کار ایکِنِه، نَه مِی چِپونِه وِ میشَل نَه این وِّنِن، هر وخت بِوینِه گرگ ایایِه، میشَلَه اینِه وِ ایدَرَه وِ گرگ وَشون حملَه ایکِنِه وِ اونگَلَه پَخشِ‌پَلا ایکِنِه.

«وراسی، وَ ایشا ایگُم، وِّ که وَ در نَرَه مِنِه آغِلِ میشَل، بلکم وَ رَیی دَ بِرَه بالا، دُز وِ رازَنِه.