Populære bibelvers fra نامۀ دِوُم وَ کِلیسِی قُرَنتُس 1

Del

متبارک بو خدا وِ بُو خداوندِمون عیسی مسیح، که بُو رَحمَتَل وِ خِدِی تَمومِ دلگرمی‌یَله؛ که مِنِه تَمومِ تنگی‌یَل وَمون دلگرمی اییِه تا ایما هَم بِتَریم بِی او دلگرمی که وَش جُسیمِه، اونگَلی نَه که مِنِه عذابِن، دلگرم کِنیم.

سی‌یِکِه هَموطو که وَ عذابَلِ مسیح وَ فراوونی بَهر ایبَریم، وَ واسطۀ مسیح وَ دلگرمیِ فراوون سَرریز ایابِیم.

وَراسی، گَمون ایکِردیم حکمِ مَرگمونَه دانِه. امّا اینگَل هَمَش وابی تا نَه وَ خِمون، بلکم وَ خِدِیی توکل کِنیم که مُردِه‌یَلَه زِندَه ایکِنِه.

وِ یِه خدایَه که ایما نَه بِی ایشا مِنِه مسیح پاوَرجا ایکِنِه. وِّ ایما نَه مَسح کِردِه وُ وِّ مُهرِ خِشَه وَمون زَیِه که این وِّنیم وِ روحِ خِشَه مِی بَیونَه نَهایِه مِنِه دِلِمون.

اَر مِنِه تنگی یِیم، وَ خاطرِ دلگرمی وِ نجاتِ ایشانِه؛ وِ اَر دلگَرمیم، وِ هَم سی دلگرمیِ ایشانِه، وِ یِه وَ کار ایا اوسِه که ایشا هَم مِنِه هَمو عذابَلی که ایما ایکَشیم، بِی حوصلَه طاقت ایاریت.